ހުޅުމާލޭގައި 30 އެނދުގެ ޑަލަލިސިސް ސެންޓަރެއް ހުޅުވައިފިއެވެ.
ހުޅުމާލޭ އޮރެންޖް ހިޔާގައި ހުންނަ މި ސެންޓަރު ރަސްމީކޮށް ހުޅުއްވައިދެއްވީ ރައީސުލްޖުމުހޫރިއްޔާ ޑޮކްޓަރ މުހައްމަދު މުޢިއްޒުއެވެ. އެއަށްފަހު ރައީސުލްޖުމުހޫރިއްޔާ ވަނީ ޑަޔަލިސިސް ސެންޓަރު ބައްލަވާފައެވެ.
ހުޅުމާލޭގައި މިހާރު ޑައަލިސިސް ޚިދުމަތް ދިނުމަށް ހުންނަނީ 10 އެނދުގެ ސެންޓަރެކެވެ. މި 30 އެނދުގެ ސެންޓަރާއި އެކު ދުވާލެއްގެ މައްޗަށް 150 އަށް ވުރެ ގިނަ މީހުންނަށް ފަރުވާދެވޭނެ ކަމަށެވެ.
މިހާރު ހުޅުމާލޭ ހޮސްޕިޓަލުގައި 80 އަށް ވުރެ ގިނަ މީހުން ޚިދުމަތް ހޯދަމުން އަންނަކަމަށް ހުޅުމާލޭ ހޮސްޕިޓަލުން މައުލޫމާތުދެއެވެ.
ހުޅުމާލޭގެ ޑަޔަލިސިސް ސެންޓަރު ހުޅުވުމުގެ ރަސްމިއްޔާތުގައި ރައްޔިތުންގެ މަޖިލީހުގެ ރައިސް، މިނިސްޓަރ އޮފް ހެލްތު އަބުދުﷲ ނާޒިމް އިބްރާހީމް އަދި މާލޭ ސިޓީ ގްރޫޕް އޮފް ހޮސްޕިޓަލްސްގެ ސީއީއ އަބުދު ރައްޒާޤް ހަލީމްވެސް ބައިވެރވަޑައިގެންނެވިއެވެ.