ހައްދުފަހަނައަޅާފައިވާ ނިރުބަވެރި އިސްރާއީލުން ރޭވެސް ޣައްޒާއަށް ވަރުގަދަ ހަމަލާތަކެއް ދީފިއެވެ.
މިގޮތުން އަލްޖަޒީރާ އަރަބިކް އިން ރިޕޯޓްކޮށްފައިވާގޮތުގައި ޚާން ޔުނިސްގެ ޓެންޓަކަށް އިސްރާއީލުން ދިން ޑްރޯން ހަމަލާއެއްގައި ފަލަސްތީނުގެ ފިރިހެނަކާއި އޭނާގެ އަންހެނުންނާއި އެމީހުންގެ ދެ އަންހެން ދަރިން ވަނީ ޝަހީދުކޮށްލައިފައެވެ.
ޚާން ޔުނިސްގެ އިރުމަތީގައި އޮންނަ އަބަސަން އަލް ކަބީރާ އަވަށުގެ ގެއަކަށް އިސްރާއީލުގެ ޑްރޯނަކުން ދިން ބޮމުގެ ހަމަލާގައި ފަލަސްތީނުގެ އިތުރު ތިން މީހަކު ވެސް ވަނީ ޒަހަމްވެފައެވެ.
މީގެ އިތުރުން އެއްވެސް އިންސާނިއްޔަތުކަމެއްނެތް ނިރުބަވެރިން ޖަބަލިއާ ރެފިއުޖީ ކޭމްޕަށްވެސް ވަރުގަދަ ހަމަލާތަކެއް ދީފައިވާއިރު، މި ހަމަލާތަކުގައި މިހާތަނަށް 40 މީހަކު ޝަހީދުކޮށްލާފައި ވެއެވެ.