ހއ. ކަނޑާލިފިނޮޅަކީ އެ އަތޮޅު ވަށަފަރުގެ ބައެއް ކަމުގައި އަދި ރ. އުނގުލަކީ އެ އަތޮޅު އުނގޫފާރުގެ ބައެއް ކަމުގައި ކަނޑައަޅުއްވައި ރައީސް ޑރ. މުހައްމަދު މުއިއްޒު ރިޔާސީ ވައުދު ފުއްދަވައިފިއެވެ.
އެމަނިކުފާނު މިގޮތަށް ކަނޑައެޅުއްވީ ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ 134 ވަނަ މާއްދާގެ (ހ) އިން ރައީސުލްޖުމްހޫރިއްޔާއަށް ލިބިދޭ ބާރުގެ ދަށުންނެވެ.
މި ގަރާރު އެކަށައެޅުމާއެކު، ރާއްޖޭގައި މީހުން ދިރިއުޅޭ ރަށްތައް ކަނޑައެޅުމަށް އެކަށައަޅައިފައިވާ ދިވެހިރާއްޖޭގައި މީހުން ދިރިއުޅޭ ރަށްތައް ކަނޑައެޅުމުގެ ގަރާރުގެ ޖަދުވަލުގައި ހިމަނައިފައިވާ ރާއްޖޭގައި މީހުން ދިރިއުޅޭ ރަށްތަކުގެ ލިސްޓު ވަނީ އަދާހަމަކުރައްވައި، ދިވެހި ސަރުކާރުގެ ގެޒެޓުގައި ޝާއިއުކުރައްވާފައެވެ.
ރޭވުންތެރިކަމާއެކު ރައީސް ޑރ. މުހައްމަދު މުއިއްޒު ގެންދަވަނީ ރިޔާސީ ވައުދުތައް ފުއްދަވަމުންނެވެ.