އދ. މާމިގިލީގެ މަގުތައް ޒަމާނީ ފެންވަރަށް ތަރައްޤީ ކުރުމުގެ މަޝްރޫޢުގެ ދަށުން އެ ރަށުގައި ހަދަމުންދާ މަގުތަކުގައި ތާރު އެޅުމުގެ އަމަލީ މަސައްކަތް ފަށައިފިއެވެ.
މި މަސައްކަތް ފައްޓަވާދެއްވާފައިވަނީ އިމާރާތް ކުރުމާއި ގެދޮރުވެރިކަމާ ބިނާރާ ބެހޭ ވަޒީރު ޑރ. ޢަބްދުﷲ މުއްޠަލިބް އެވެ. އެ މަސައްކަތް ހަވާލު ކުރީ އާރުޑީސީއާ އެވެ. އެ ރަސްމިއްޔާތުގައި އާރުޑީސީގެ މެނޭޖިން ޑިރެކްޓަރު އިބްރާހީމް ނަޒީމް ވެސް ބައިވެރިވެވަޑައިގަތެވެ.
މި މަޝްރޫޢުގެ ދަށުން ކުރަމުންދާ މަސައްކަތްތަކުގެ ތެރޭގައި ތާރު އަޅައިގެން މަގުތައް ތަރައްޤީ ކުރުމާއި ކެރިއޭޖްވޭ އަދި ސައިޑްވޯކްގެ މަސައްކަތް އަދި މަގުމަތީގައި ހުންނަ ކާނުތަކާއި ސްޓޯރމް ވޯޓަރ މަނޭޖްމަންޓް ސިސްޓަމްގެ ގާއިމު ކުރުމާއި ސްޕީޑް ބްރޭކަރާއި ރޯޑް ސައިން ބޯޑު ހަރުކުރުން ހިމެނެއެވެ. މީގެއިތުރުން މަގު ބައްތި ހަރުކުރުމާއިމިހާރު ހުރި މަގުތަކުގައި ސްޓްރީޓް ލައިޓް ހަރުކުރުމުގެ އިތުރުން މިހާރު ހުރި މަގުތަކުގައި ސްޕީޑް ބްރޭކަރ ހެދުމުގެ މަސައްކަތްކުރާނެއެވެ. އަދި ޒިބްރާ ކްރޮސިންގްސް މާކު ކުރުން ހިމެނެއެވެ.
މިމަޝްރޫޢުގެ އަމަލީ މަސައްކަތް ފެށުނީ 2020 ވަނަ އަހަރުގެ ސެޕްޓެމްބަރު މަހުގެ 26 ގައެވެ. މިއީ ޖުމްލަ 95,043,314.41 (ނުވަދިހަ ފަސް މިލިއަން ސަޅީސް ތިން ހާސް ތިން ސަތޭކަ ސާދަ ރުފިޔާ ސާޅީއެއް އެއްލާރި) ރުފިޔާގެ މަޝްރޫޢެކެވެ.a