ރ. އަތޮޅު ކައުންސިލު “އަރުތަ” ފުޓްސަލް ޗެލެންޖުގައި މިރޭ ދުވާފަރު އިންނަމާދޫ ބައްދަލުކުރި މެޗު 6-0 ގެ ނަތީޖާއިން ކާމިޔާބުކޮށް ސެމީފައިނަލްގެ ޖާގަ ދުވާފަރުން ޔަގީން ކޮށްފިއެވެ.
މިރޭ މެޗުގައި ދުވާފަރުގެ ފުރަތަމަ ގޯލް ކާމިޔާބުކޮށްދިނީ މުސްލިމް މުހައްމަދު (ރޮނާ) އެވެ. ދެވަނަ ގޯލް ކާމިޔާބުކުރީ އަލީ މުހައްމަދު އެވެ. ދުވާފަރުގެ ތިންވަނަ ގޯލް ކާމިޔާބުކޮށްދިނީ މުހައްމަދު އިސާން (ސެނޓޭ) އެވެ.
ދުވާފަރުގެ ހަތަރުވަނަ ގޯލް އިބްރާހިމް އަޒޫމް (އައްނު) ކާމިޔާބު ކޮށްދިންއިރު މެޗުގެ ފަހު ދެ ގޯލް ކާބިޔާބުކޮށް މުހައްމަދު އިސާން (ސަންޓޭ) ވަނީ މުބާރާތުގެ ދެވަނަ ހެޓްރިކް ފުރިހަމަކޮށްފައެވެ.
ދުވާފަރު ސެމީ ފައިނަލްގެ ޖާގަ ކަށަވަރުވި ނަމަވެސް ގްރޫޕް އޭ ގެ އެއްވަނަ ޓީމު ޔަގީންވާނީ މާދަމާ ރޭ ދުވާފަރު އިނގުރައިދޫ ބައްދަލުކުރާ ފޯރިގަދަ މެޗުގެ ނަތީޖާއިންނެވެ. މުބާރާތުގެ ތާރީހުގައި އެންމެ ވާދަވެރި ދެޓީމު ބައްދަލުކުރާ މި މެޗު ފެށުމަށް ހަމަޖެހިފައިވަނީ މާދަމާ ރޭ 9:00 ގައެވެ