ބިންވެރިޔާ ސްކީމްގެ ދަށުން ގޯތި ލިބިފައިވާ ކަމަށް އަންގައިދޭ ސައްހަ ނޫން ލިޔުންތަކެއް ބޭނުންކުރި ކަމުގެ ތުހުމަތުގައި އެމްޑަބްލިއުއެސްސީގެ ކުރީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދާއެކު އިތުރު 11 މީހެއްގެ މައްޗަށް ދައުވާކޮށްފިއެވެ.
ޕީޖީ އޮފީހުން ބުނީ ބިންވެރިޔާ ސްކީމަށް ޝަރުތު ހަމަނުވާ ބަޔަކު ބިން ހޯދަން ހުށަހެޅި މައްސަލާގައި ދައުވާ އުފުލާފައިވާ ކަމަށެވެ. އެ މައްސަލައިގައި ފަޒީލްގެ މައްޗަށް ކުރަނީ، އެނގިހުރެ ސައްހަނޫން ލިޔުމެއް ދިނުމުގެ ކުށުގެ ދައުވާއެވެ. މި ދައުވާ ސާބިތުވެއްޖެނަމަ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް އަންނާނެއެވެ.
އޭނައާއެކު އިތުރު އަށް މީހެއްގެ މައްޗަށް އެ ދައުވާ ކޮށްފައިވެއެވެ.
- ސ. ހިތަދޫ، ހަޒާރުމާގެ، މަރްޔަމް ސާއީ
- ދަފްތަރު. ނަންބަރު ރސ 9044، އައިޝަތު މައުރޫފާ
- ޏ. ފުވައްމުލައް، ދޫޑިގަން، ދިލް، އީމާ ވަހީދު
- ހުޅުމާލެ، ފްލެޓް ނަންބަރު 02-ޖީ- 46، މުހައްމަދު އާދަމް
- ހއ. ދިއްދޫ ޖަމީލާ، އަބްދުލްމަޖީދު މާހިރު
- މ. ވެސްޓްކޯސްޓް، ހުސައިން ޒާހިރު ޒައިނު
- މ. ފަޅުމަތީގެ، އަޝްހަދު އަލީ
- މ. ފަޅުމަތީގެ، އަހުމަދު އަލީ
މީގެ އިތުރުން ސައްހަ ލިޔުމެއް އުފެއްދުމުގެ ކުށުގެ ދައުވާ ވަނީ ގ. ޕޫލްބަހާރުއާގެ، އަހުމަދު އަތީގު އަބްދުالله އަދި ނ. ވެލިދޫ، ޑޭޒީމާގެ އަހުމަދު މާޒިންގެ މައްޗަށް ކޮށްފައެވެ. އެ ދައުވާ ސާބިތުވެއްޖެނަމަ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް އަންނާނެއެވެ.
ސައްހަ ނޫން ލިޔުމެއް އުފެއްދުމުގައި ބައިވެރިވުމުގެ ކުށުގެ ދައުވާ، މ. ފަޅުމަތީގެ، އަރުޝަދު އަލީގެ މައްޗަށް ވަނީ ކޮށްފައެވެ. އެ ދައުވާ ސާބިތުވެއްޖެނަމަ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް އަންނާނެއެވެ.
މި މައްސަލައާ ގުޅިގެން ފަޒީލް ވަނީ އެމްޑަބްލިޔުއެސްސީގެ ޑީއެމްޑީކަމުން ވަކިކޮށްފައެވެ.