ރ. ވާދޫ ”ވާދޫ ގްރީން ފާމް“ ރަސްމީކޮށް ހުޅުވައިފިއެވެ.
އެތަން އިއްޔެ ހުޅުއްވައި ދެއްވީ ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. މަރްޔަމް މަރިޔާއެވެ.
”ވާދޫ ގްރީން ފާމް“ އަކީ ދަނޑުވެރިކަމާއި ބެހޭ ވުޒާރާއާއި ޔޫއެންޑީޕީ އަދި ވާދޫ އެސޯސިއޭޝަން ފޮ ފިއުޗަ ޑިވެލޮޕްމެންޓުން ގުޅިގެން ކުރިއަށްގެން ދިޔަ މަޝްރޫއެކެވެ.
ވަޒީރު ވިދާޅުވީ މި ދަނޑު ހުޅުވިގެންދިއުމަކީ ރަށްފުށުގެ މުޖުތަމަޢުތަކަށް ޚާއްސަކޮށްގެން ތިމާވެއްޓާ ރައްޓެހި ދަނޑުވެރިކަމާއި އިއާދަކުރަނިވި ހަކަތައަށް ބަދަލުވުމަށް ރާއްޖެއިން ހޯދި ބޮޑު ކުރިއެރުމެއް ކަމަށެވެ.
”ވާދޫ ގްރީން ފާމް“ އަކީ ސީދާ އިއާދަކުރަނިވި ހަކަތައިން ހިންގާ ވިޔަފާރި ފައިދާލިބޭ މިންވަރުގެ ހައިޑްރޮޕޯނިކްސް ދަނޑެކެވެ. މި ދަނޑުގެ ފުރާޅުގައި ހަރުކޮށްފައިވާ ސޯލާ ޕެނަލްތަކުގެ އެހީގައި ފެންދިނުމާއި ފިނިކުރުމުގެ ނިޒާމުތައް ހިންގާއިރު، ވާރޭފެން ނަގާ ނިޒާމުތަކާއި ތިމާވެއްޓާ ރައްޓެހި ގްރޯވިން އުކުޅުތައް ބޭނުން ކުރާނެ އެވެ.
ދަނޑުން 600 ކިލޯ ކިއުކަމްބާ އާއި 400 ކިލޯގެ ފަތުގެ ބާވަތްތައް އުފެއްދުމުގެ ޤާބިލުކަން ލިބިގެންވެއެވެ.
ވުޒާރާއިން ބުނީ މި މަޝްރޫޢުގެ ދަށުން މިންތީގެ ހަމަހަމަކަން ޤާއިމްކުރުމަށް ބޮޑު އިސްކަމެއް ދީފައިވާނެ ކަމަށާއި ދަނޑުގައި މަސައްކަތްކުރާ 18 އަންހެނަކަށް ހައިޑްރޮޕޯނިކްސްގެ ތަމްރީން ދީފައިވާއިވާ ކަމަށެވެ. އަދި އިތުރު 25 އަންހެނުންނަށް ސޯލާ ނިޒާމުތައް ބެލެހެއްޓުމުގެ ތަމްރީން ދީފައިވެއެވެ.
ވުޒާރާއިން ބުނި ގޕތުގައި މި ދަނޑުން މަހަކު 80,000ރ. ގެ އާމްދަނީއެއް ލިބޭނެ ކަމަށް ލަފާކުރެވެއެވެ.