މަސްވެރިންގެ ދުވަސް ފާހަގަކުރަން ރ. ދުވާފަރުގައި ފޯރިގަދަ ކުޑަކުދިންގެ ހަވީރެއް މިއަދު ބާއްވައިފިއެވެ.
އެ މަސްވެރިންގެ ހަވީރު ބާއްވާފައި ވަނީ ފިޝަރީޒް މިނިސްޓްރީ އާއި މިފްކޯ އާއި ދުވާފަރު ކައުންސިލް ގުޅިގެންނެވެ. އެ ކުޑަކުދިންގެ ހަވީރުގައި ފިޝަރީޒް މިނިސްޓަރު އަހްމަދު ޝިޔާމާއި މިފްކޯގެ ސީއީއޯ ފަރުހަތު ޝަހީރު އާއި ދުވާފަރު ދާއިރާގެ މަޖިލިސް މެމްބަރު މުހައްމަދު އަލީ ވަނީ ބައްލަވާލައްވާފައެވެ.
ގިނަ އަދަދެއްގެ ކުޑަކުދިން ބައިވެރިވި މި ކުޑަކުދިންގެ ހަވީރުގައި ކުޑަކުދިންނާ ގުޅޭ ގިނަ ހަރަކާތްތަކެއް ކުރިއަށް ގެންގޮސްފައިވެއެވެ.
މި ކުޑަކުދިންގެ ހަވީރުގައި ރާއްޖޭގެ ގައުމީ ދިފާއީ ބާރާއި އެހެން ބައެއް އިދާރާތަކުގެ ސްޓޯލްތައް ވެސް ހުއްޓެވެ.
މަސްވެރިންގެ ދުވަސް ފާހަގަކުރުމަށް ގިނަ ހަރަކާތްތަކެއް ދުވާފަރުގައި އަންނަނީ ކުރިއަށްގެންދަމުންނެވެ. އެގޮތުން މި މަހުގެ 10 ވަނަ ދުވަހާއި 11 ވަނަ ދުވަހު ވަނީ މަސްވެރިންގެ ގުންޒަރެއް ބާއްވާފައެވެ. މި ގުންޒަރުގައި ފިޝަރީޒް މިނިސްޓަރު އަހްމަދު ޝިޔާމް ވަނީ މަސްވެރިކަމުގެ ދާއިރާގެ ތަރައްގީއަށް ސަރުކާރުން ކުރަމުން އަންނަ މުހިންމު މަސައްކަތްތަކުގެ މައުލޫމާތު ހިއްސާކުރައްވާފައެވެ.
މީގެއިތުރުން ކާބޯތަކެތީގެ މައުރަޒަކާއި އެހެނިހެން ހަރަކާތްތައް ވެސް ދުވާފަރުގައި ކުރިއަށް އެބަަދެއެވެ.