ޕްރޮފެޝަނަލް ފުޓްބޯލް އެސޯސިއޭޝަން (ޕީއެފްއޭ) ގެ އެންމެ މޮޅު ކުޅުންތެރިޔާގެ އެވޯޑު ލިވަޕޫލުގެ މުހައްމަދު ސަލާހު ހޯދައިފިއެވެ.
މި އެވޯޑަކީ އިނގިރޭސި ފުޓުބޯޅައިގައި އެންމެ މޮޅު ކުޅުންތެރިޔާއަށް ދޭ އެވޯޑެވެ. ސަލާހު މި އެވޯޑު ހޯދީ މި ދިޔަ ސީޒަނުގައި އިނގިރޭސި ޕްރިމިއާ ލީގުގައި 29 ލަނޑު ކާމިޔާބު ކޮށް، 18 އެސިސްޓު ފޯރުކޮށްދީގެންނެވެ.
މި އަހަރުގެ އެވޯޑު ސޮލާހަށް ލިބުމާއެކު މިއީ އޭނާއަށް މި އެވޯޑު ލިބުނު ތިންވަނަ އަހަރެވެ. މީގެ ކުރިން 2017-2018 ވަނަ ސީޒަން އަދި 2021-2022 ވަނަ އަހަރުގެ ސީޒަނުގައި ވެސް އޭނާ ވަނީ މި އެވޯޑު ހާސިލުކޮށްފައެވެ.
އެއާއެކު ސޮލާހު ވެގެންގޮސްފައިވަނީ ތިން ފަހަރެއްގެ މަތިން މި އެވޯޑު ހާސިލުކުރި ފުރަތަމަ ކުޅުންތެރިޔާއަށެވެ.