އިސްރާއީލުގެ ހިސާރުވެރި ސަރުކާރުން ބޮޑު އިސްރާއީލުގެ ތަސައްވުރު ކަމަށް ބުނާ ވާހަކަ އިއުލާންކޮށް، އެގައުމުގެ ވަޒަންވެރިވުމާއި ފުޅާކުރުމުގެ އެޖެންޑާ ވަރުގަދައަށް ދެކޮޅު ހައްދަވާ ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެއެވެ.
ރައީސްގެ ރަސްމީ އެކްސް އެކައުންޓުގައި ކުރި ޕޯސްޓެއްގައި ވިދާޅުވީ ދުޅަހެޔޮ ބަސްތަކުން ފުރިފައިވާ މިފަދަ ވާހަކަތަކަކީ ބައިނަލްއަގްވާމީ ގާނޫނުތަކާ ހިލާފު އަދި ފަލަސްތީނުގެ ރައްޔިތުންގެ އަމިއްލަ ނިންމުމެއް ނިންމުމުގެ ހައްގު ގެއްލިގެންދާ ވާހަކަތަކެކެވެ.
ފަލަސްތީނުގެ ރައްޔިތުންގެ ހައްގުތައް ރައްކާތެރިކުރުމަށް އަވަސް، އެއްބައިވަންތަ ބައިނަލްއަގްވާމީ ފިޔަވަޅުތަކެއް އެޅުމަށާއި، ހަމަނުޖެހުން ބޮޑުވަމުންދާ ދަނޑިވަޅެއްގައި އެމީހުންގެ ތަކުލީފުތަކަށް ނިމުމެއް ގެނައުމަށް ރައީސް ވަނީ ގޮވާލައްވާފައެވެ.
ރާއްޖެއިން އިން ފަލަސްތީނާ އެކު އޮތް ފަސްނުޖެހޭ އެއްބައިވަންތަކަން އަލުން ކަށަވަރުކޮށްދީ، އިންސާފުވެރި، ފުރިހަމަ، އަދި ދެމިއޮންނަ ސުލްހައެއް ހޯދުމަށް އަމާޒުކޮށްގެން ކުރާ ހުރިހާ މަސައްކަތެއް ދިވެހި ސަރުކާރުން ތަކުރާރު ކުރަމުން ދާ ކަމަށް ރައީސް ވަނީ ވިދާޅުވެފައެވެ.