ހުޅުމާލޭގައި އަޅާފައިވާ ވިނަރެސް ފްލެޓުތަކުގެ ޓަވަރަކުން ވެއްޓުނު މީހަކަށް ފަރުވާދޭން ފަށައިފިއެވެ.
ފުލުހުން ބުނީ 18 އަހަރުގެ ދިވެހި ފިރިހެނަކު ވެއްޓިފައިވަނީ ވިނަރެސްގެ 8 ވަނަ ޓަވަރުން ކަމަށެވެ. އަދި އެތަނުގައި ފުލުހުން ހަރަކާތްތެރިވަމުންދާ ކަމަށްވެސް ފުލުހުން ބުނެ އެވެ.
މި ހާދިސާގައި ވެއްޓުނު މީހާ މިހާރު ހޮސްޕިޓަލަށް ގެންގޮސް ފަރުވާ ދެމުންދާ ކަމަށް ފުލުހުން ބުނެ އެވެ. މި ހާދިސާއާ ގުޅޭ އިތުރު ތަފްސީލެއް ފުލުހުން ހިއްސާކޮށްފައެއް ނުވެ އެވެ.