އެސްޓީއޯގެ އަހަރީ އާންމު ޖަލްސާ މިރޭ 7:30 ބާސެލޯ ނަސަންދްރާގައި ބޭއްވުމަށް ހަމަޖެހިފައިވާކަމަށް އެކުންފުނިން ބުނެފިއެވެ.
އޮންލައިންކޮށްވެސް ކުރިއަށްގެންދާ މި ޖަލްސާގައި އެކުންފުނީގެ ހިއްސާދާރުންގެ ދަފްތަރުގައި ބައިވެރިވެފައިވާ ހުރިހާ ފަރާތްތަކުން ބައިވެރިވެވަޑައިގަންނަވާނެއެވެ.
މި ޖަލްސާގައި ބައިވެރިވެވަޑައިންނަވާ ހިއްސާދާރުން ރަޖިސްޓްރީ ކުރުމުގެ ފުރުސަތު މިމަހު 14 ވަނަ ދުވަހުގެ ނިޔަލަށް މިވަނީ ހަމަވެފައެވެ.
އެ ޖަލްސާގެ އެޖެންޑާގައި ހަ ކަމެއް ފާސްކުރަން ހުށަހެޅުމަށް އެސްޓީއޯއިން ނިންމާފައިވެއެވެ. އެއީ،
2023 ވަނަ އަހަރުގެ އަހަރީ އާންމު ޖަލްސާގެ ޔައުމިއްޔާ
މިދިޔަ އަހަރުގެ ޑިރެކްޓަރުންގެ ރިޕޯޓު
މިދިޔަ އަހަރު އޮޑިޓުކޮށްފައިވާ ހިސާބުތައް
އެސްޓީއޯގެ ފައިދާއިން މިދިޔަ އަހަރު ހިއްސާދާރުންނަށް ބަހަން ހުށަހަޅާ އަދަދު
މި އަހަރު ކުންފުނި އޮޑިޓްކުރާނެ ފަރާތެއް ކަނޑައެޅުމަށް
ކުރިއަށް އޮތް ދައުރަށް ޑިރެކްޓަރުން އައްޔަނުކުރުމާއި އިންތިޚާބު ކުރުން
ފާއިތުވި އަހަރުގެ އަހަރީ އާންމު ޖަލްސާގައި، 2023 ވަނަ އަހަރުގެ އެސްޓީއޯގެ ފައިދާއިން ހިއްސާއަކަށް 80 ރުފިޔާ ބެހުމަށް ވަނީ ފާސްކޮށްފައެވެ. މި އަހަރުގެ ޖަލްސާގައިވެސް ހިއްސާދާރުންނަށް ބަހާނެ ފައިދާގެ އަދަދެއް ހުށަހެޅި، ފާސްކުރެވޭނެއެވެ.