ޑެކްލަން ރައިސް ދެ ފްރީކިކާއިއެކު އާސެނަލުން ވަރުގަދަ ރިއަލް މެޑްރިޑްގެ މައްޗަށް 0-3 ގެ ކުރިއެރުމެއް ހޯދައިފިއެވެ.
ޔޫއެފްއާ ޗެމްޕިއަންސް ލީގުގެ ކުއާޓާ ފައިނަލް ފުރަތަމަ ލެގުގައި ރޭގައި އާސެނަލްގެ ދަނޑުގައި ކުޅުނު ފޯރިގަދަ މެޗު އާސެނަލުން ކާމިޔާބުކީ މޮޅު ކުޅުމަކާއެކީގައެވެ.
މުބާރާތުގެ އެންމެ ފަހުގެ ޗެމްޕިއަނުންނާއި ދެކޮޅަށް ކުޅުނު މެޗުގެ ފުރަތަމަ ގޯލު ކާމިޔާބުކޮށްފައިވަނީ ލިބުނު ހިލޭ ޖެހުމަކުން މިޑްފީލްޑާ ޑެކްލަން ރައިސް އެވެ. މެޗުގެ 58 ވަނަ މިނެޓުގައި މިގޯލު ކާމިޔާބުކުރިއިރު އޭނާ ވަނީ 70 ވަނަ މިނެޓުގައި އިތުރު ހިލޭ ޖެހުމަކުން އާސެނަލްއަށް ގޯލެއް ކާމިޔާބުކޮށްދީފައެވެ. އަދި މެޗުގެ 75 ވަނަ މިނެޓުގައި މިކެލް މެރީނޯ އިތުރު ގޯލެއް ކާމިޔާބިކޮށް އާސެނަލް އަށް ލީޑު ވަނީ ފުޅާކޮށްދީފައެވެ.
މި މެޗުގެ އިތުރުވަގުތުގެ ހަތަރުވަނަ މިނެޓުގައި ރިއަލް މެޑްރިޑްގެ އެޑުއާޑޯ ކަމަވިންގާއަށް ދެވަނަ ރީނދޫ ކާޑާއިއެކު ރަތްކާޑެއް ވަނީ ދައްކާފައެވެ.
މެޗުގެ މޮޅު ކުޅުންތެރިޔާ އަކީ އާސެނަލްގެ ޑެކްލަން ރައިސްއެވެ.
މެޗަށްފަހު އާސެނަލްގެ ކޯޗު މިކެލް އާޓެޓާ ބުނީ އެމީހުން ދެއްކީ ވަރަށް މޮޅު ކުޅުމެއް ކަމަށާއި، އަދި އެއީ މެޗު ފެށުމުގެ ކުރިން ވެސް އެމީހުން އެކަމަށް ތައްޔާރުވުމާއި އަދި ރައިސްގެ ދެ ގޯލު މެގު ޚުލާސާކޮށްދޭ ކަމަށެވެ.
ކޯޗު ކާލޯ އެންސެލޮޓީ ފާހަގަ ކުރި ގޮތުގައި މެޗުގެ ސްކޯރު 0-0 ގައި އޮތްއިރު ވަރަށް ހިތްހަމަޖެހުނުކަމަށާއި ނަމަވެސް އާސެނަލްއިން ދެ ގޯލު ކާމިޔާބުކުރުމުން ވަރަށް އުނދަގޫވިކަމަށެވެ.
މި ދެޓީމުގެ މެދުގައި ކުޅެވޭ ދެވަނަ ލެގުގެ މެޗު އޮންނާއި އަންނަ ހަފްތާގެ ބުދަ ދުވަހު ރިއަލް މެޑްރިޑްގެ ދަނޑުގައެވެ. ހަމަ ގައިމުވެސް މި މެޗު ވާނީ ވަރަށް ފޯރި ގަދަ މެޗަކަށެވެ. އަދި ރިއަލް މެޑްރިޑްގެ އެޓޭކް ލައިން އިތުރަށް ވަރުގަގަ ވާނެ މެޗަކަށެވެ.