ވޭތުވެދިޔަ 72 ގަޑިއިރުތެރޭގައި ބައިނަލްއަޤްވާމީ ޤާނޫނުތަކަށް ގޮންޖަހައި އަދި އެމެރިކާމެ މަދަދުވެރިކަމާއިއެކު އިސްރާއިލުން ފަލަސްތީނުގެ 600 މީހުން ޝަހީދުކޮށްލައިފިއެވެ.
ހައްދުފަހަނައަޅާފައިވާ އިސްރާއީލުގެ ސިފައިން ބުނެފައިވަނީ ދެކުނު ޣައްޒާގެ ރަފާހުގެ އެއްގަމު ހަނގުރާމައެއް ފަށައިފައިވާ ކަމަށެވެ. އަދި ވަކިން ޚާއްޞަކޮށް ޝަބޫރާ ސަރަޙައްދުގައެވެ.
ޣައްޒާގެ ޞިއްޙީ ވުޒާރާއިން ބުނެފައިވަނީ އަންގާރަ ދުވަހު އިސްރާއީލުން ހުއްޓުމަކަށް ގެނެސްފައިވާ ހަނގުރާމަ އަލުން ފެށުމަށްފަހު، 591 ފަލަސްޠީނުން މަރުވެފައިވާ ކަމަށެވެ. މީގެ ތެރޭގައި 200 ކުޑަކުދިން ހިމެނެއެވެ. އަދި 1،042 މީހުން ޒަޚަމްވެފައިވެއެވެ.
އިސްރާއީލުގެ އެއްގަމު ސިފައިން ޣައްޒާއަށް ހަމަލާދޭން ފެށުމާއެކު، ކުޑަކުދިންނާއި އަންހެނުން މެރުމަށް ހިތްވަރުދޭ ބޮޑުވަޒީރު ބެންޖަމިން ނެތަންޔާހޫ އިންޒާރުދީފައިވަނީ އިހުތިލާލުކޮށްފައިވާ ހުޅަނގު އައްސިފާގައި ”މާ ބޮޑު އަދި ވަރުގަދަ ކުރިމަލުއެއް“ އޮތް ކަމަށެވެ. މީގެ އިތުރުން ”ޣައްޒާ ގައި ހަމާސްއާ ދެކޮޅަށް ގަދަފަދަ ހަނގުރާމައެއް“ ކުރިއަށްދާނެ ކަމަށެވެ.
ޣައްޒާގެ ޞިއްޙީ ވުޒާރާއިން ބުނެފައިވަނީ އިސްރާއީލުން ޣައްޒާއަށް ކުރަމުންދާ ހަނގުރާމައިގައި މަދުވެގެން މިހާތަނަށް 49،617 ފަލަސްޠީނުން މަރުވެފައިވާކަން ޔަގީންވެފައިވާ ކަމަށެވެ. އަދި 112،950 މީހުން ޒަޚަމްވެފައިވާ ކަމަށެވެ. ޣައްޒާގެ ސަރުކާރުގެ މީޑިއާ އޮފީހުން މަރުވި މީހުންގެ އަދަދު އަޕްޑޭޓްކޮށްފައިވަނީ 61،700 އަށް ވުރެ ގިނަ ކަމަށެވެ.
އަދި ބުނެފައިވަނީ ހަލާކުވެފައިވާ ޢިމާރާތްތަކުގެ ތެރޭގައި ގެއްލިފައިވާ ހާސްތަކެއް ފަލަސްޠީނުން މަރުވެފައިވާ ކަމަށް ލަފާކުރެވޭ ކަމަށެވެ. 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހު ފެށި ހަމަލާތަކުގައި އިސްރާއީލުގައި މަދުވެގެން 1،139 މީހުން މަރުވިއެވެ. އަދި 200 އަށް ވުރެ ގިނަ މީހުން ހައްޔަރުކުރެވުނެވެ.
އިސްރާއިލުން ޤައުމެއްގެރައްޔިތުންނަށް މިވަރުގެ އަނިޔާއެއްދޭއިރު، ސުލްޙައަށް ލޯބިކުރާކަމަށް ބުނާ ދުނިޔޭގެ ޤައުމުތަކުން ތިބީ ކުޑަކަކޫ މަށްޗަށް ތިރިވެ، ހެދޭނެ ގޮތެއް ނޭންގިފައެވެ.