ބޮލަކަށް 6،000ރ. ގެ މަގުން މި އަހަރުގެ ފިޠުރު ޒަކާތް ބަހައިފި

ބޮލަކަށް 6،000ރ. ގެ މަގުން މި އަހަރުގެ ފިޠުރު ޒަކާތް ބަހައިފި އެވެ.

ޒަކާތު ހައުސް އިން ބުނީ ޒަކާތް ލިބުމަށް ޝަރުޠު ހަމަވާ މީހުންނަށް ފިޠުރު ޒަކާތް ބަހައި ނިންމާފައިވާ ކަމަށެވެ. ބޮލަކަށް 6،000ރ. ގެ މަގުން ޒަކާތް ބެހި އިރު، މިއީ މިހާތަނަށް ފިތުރު ޒަކާތަށް ބޮލަކަށް އެންމެ ބޮޑު އަދަދެއް ބެހި ފަހަރެވެ.

ޒަކާތް ލިބުނު ފަރާތްތަކުގެ ތެރޭގައި، ޒަކާތް ޙައްޤުވާ ކެޓަގަރީތަކުގެ ދަށުން ހިމެނުނު 62 ފަޤީރު ޔަތީމު ކުދިން ވެސް ހިމެނެއެވެ.

މި އަހަރު ފިޠުރު ޒަކާތުގެ ގޮތުގައި 14 މިލިއަނަށް ވުރެ ގިނަ ރުފިޔާ ލިބިފައިވާ އިރު، މިއީ މިހާތަނަށް ފިޠުރު ޒަކާތުގެ ގޮތުގައި އެންމެ ގިނައިން ފައިސާ ލިބިފައިވާ އަހަރެވެ. މީގެ ތެރެއިން ފަޤީރުންނާއި މިސްކީނުންނަށް ބެހުމަށް ކަނޑައެޅީ 13،896،000ރ. އެވެ.