ކުރިޔަށް އޮތް 6 ހަފްތާގެ ތެރޭގައި އިރާނުގެ މުޅި ވައިގެ ސަރަހައްދު އެމެރިކާގެ ކޮންޓްރޯލްގެ ދަށަށް ގެންނާނެކަމަށް އެމެރިކާގެ ސަރުކާރުން ހާމަކޮށްފިއެވެ.
އެމެރިކާ ސަރުކާރުގެ ސެކްރެޓަރީ ކެރޮލީން ލީވިޓް ބޭއްވި ނޫސްވެރިންގެ ބައްދަލުވުމެއްގައި ބުނީ އެމެރިކާގެ މިވަގުތު އެންމެ ބޮޑު އަމާޒަކީ އިރާނުގެ ވައިގެ ސަރަހައްދުގެ ކޮންޓްރޯލް ނެގުން ކަމަށެވެ. އެގޮތުން މިހާރު ހިނގަމުންދާ “ އޮޕަރޭޝަން“ ގެ ތެރެއިން ކުރިޔަށް އޮތް 6 ހަފްތާގެ ތެރޭގައި އެ އަމާޒަށް އެމެރިކާއަށް ވާސިލުވެވޭނެ ކަމަށް އޭނާ ބުންޏެވެ.
މީގެ އިތުރުން އިރާނުގެ ވެރިކަމާއި ހަވާލުވާނެ ފަރާތްތައް ކަނޑައެޅުމުގެ މަސައްކަތް އެމެރިކާއިން ކުރަމުންދާކަންވެސް ރޭ ވަނީ ހާމަކޮށްފައެވެ. ނަމަވެސް އެމެރިކާއިން އުފައްދާ މި ލިސްޓުގައި ތިބީ ކޮންބަޔެއް ކަމެއް ހާމައެއް ނުކުރެއެވެ.
ޕްރެސް ސެކެޓްރީން މިފަދައިން ހާމަކުރި އިރު އިރާނުގެ ވެރިކަމާއި ހަވާލުވާނެ ޖެހޭނެ ލީޑަރެއް ކަނޑައެޅުމުގެ ބާރު އޮންނަން ޖެހޭނެކަމަށް އެމެރިކާގެ ރައީސް ޑޮނަލްޑް ޓްރަމްޕު ވަނީ ދުނިޔެއަށް އަންގާ އިއުލާނުކޮށްފައެވެ.