މި ސަރުކާރުން އުފެއްދި ބޭސް ކުންފުނީގެ ދަށަށް އެސްޓީއޯގެ ފާމަސީތައް ބަދަލު ކުރަން ނިންމައިފިއެވެ.
ސަރުކާރުން ސަތޭކަ ޕަސެންޓް ހިއްސާވާ ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން ލިމިޓެޑް އުފެއްދީ މިދިޔަ އަހަރުގެ ސެޕްޓެމްބަރު 9 ގަ އެވެ. އެ ކުންފުނީގެ މެނޭޖިން ޑިރެކްޓަރަކީ ޑރ. ޝާހް މާހިރެވެ.
އެތަނުގެ ދަށަށް އެސްޓީއޯގެ ފާމަސީތަައް ބަދަލު ކުރުމުގެ މަރުހަލާ އަންނަ ހަފުތާފައި ފަށައި އަންނަ މަހުގެ 15 ގެ ނިޔަލަށް އެ މަސައްކަތް ނިންމައިލެވޭނެ ކަމަށް އެސްޓީއޯ އިން ބުންޏެވެ. އެގޮތުން މާލެ ސަރަހައްދުގައި ހުރި އެސްޓީއޯގެ ފާމަސީތަކާ އަންނަ ހަފުތާގެ އަންގާރަ ދުވަހު ބޭސް ކުންފުނިން ހަވާލު ވާނެ އެވެ.
ރާއްޖޭގައި މީހުން ދިރިއުޅޭ ހުރިހާ ރަށެއްގައި އަންނަނީ އެސްޓީއޯގެ ފާމަސީތައް ހިންގަމުންނެވެ. އެގޮތުން 196 ފާމަސީއެއް ހިންގަމުން ދެއެވެ.