ސަރުކާރުން މީޑިއާތަކަށް ދޭން ނިންމާފައިވާ މާލީ އެހީއަށް އެދުމުގެ ފުރުސަތަށް ހުޅުވާލައިފިއެވެ.
މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން (އެމްއެމްބީސީ) އިން ބުނީ އެ ފުރުސަތު ހުޅުވާލާފައި ވަނީ މި މަހުގެ 28 އާ ހަމައަށެވެ.
އެހީ އަށް އެދި ހުށަހަޅާނީ މި ޕޯޓަލް mediaapp.one.gov.mv މެދުވެރިކޮށެވެ.
މިއީ ރާއްޖޭގައި ރަޖިސްޓަރީކޮށްފައިވާ އަމިއްލަ ނޫސް މަޖައްލާތަކާއި ބްރޯޑްކާސްޓް ލައިސަންސް ލިބިފައިވާ އަމިއްލަ ބްރޯޑްކާސްޓަރުންނަށް، ދައުލަތުގެ ބަޖެޓުން ދޭ އެހީއެކެވެ.
މީޑިއާތަކަށް ދޭން ނިންމާފައިވާ މާލީ އަށް އެދުމުގެ ފުރުސަތު އެމްއެމްބީސީން ހުޅުވައިލައިފައިވާއިރު، ކުރިން ޔޫތު މިނިސްޓްރީގެ ދަށުން މި މަސައްކަތް ކުރިއަށް ގެންދަން ނިންމައި ޝަރުތު ހަމަވާ 18 މީޑިއަކަށް އެހީ ދޭން ނިންމާފައިވެއެވެ.
ނަމަވެސް ފަހުން އެކަން ބާތިލުކޮށް ކޮމިޝަނާ ވަނީ ހަވާލުކޮށްފައެވެ.
ކުރިން 18 މީޑިއާކަށް 28 މިލިއަން ރުފިޔާ ދޭން ނިންމިކަން އިއުލާނު ކުރިއެވެ.