މެންޗެސްޓާ ސިޓީ 3-0 އިން ބަލިކޮށް އާސެނަލުން އެފްއޭ ކޮމިއުނިޓީ ޝީލްޑް ކާމިޔާބުކޮށްފިއެވެ.
މިއީ މިދިޔަ ސީޒަނުގައި އިނގިރޭސި ޕްރިމިއާ ލީގުގެ ޗެމްޕިއަންކަން ހޯދި، އާސެނަލުން ކޮމިއުނިޓީ ޝީލްޑް ކާމިޔާބުކުރި 18 ވަނަ ފަހަރެވެ.
މި މެޗު ފަށައިގެން 23 ވަނަ ސިކުންތުގައި އާސެނަލުން ވަނީ ލީޑު ނަގައިފައެވެ. ލުވިސް ސްކެލީ ދިން ޕާހަކުން ސިޓީގެ އޭރިއާ ތެރެއަށް ބޯޅަ ހިފައިގެން ވަދެ ފޮނުވާލި ހަމަލާއަކުން މި ގޯލު އާސެނަލަށް ކާމިޔާބުކޮށްދިނީ އެޓީމުގެ ފުލްބެކް ރިކާޑޯ ކަލަފިއޯރީއެވެ.
މެޗުގެ 28 ވަނަ މިނެޓްގައި އާސެނަލުން ދެވަނަ ގޯލު ކާމިޔާބުކުރިއިރު، މިއީ ކްރިސް ޒޮލިސް ސިޓީގެ އޭރިއާ ތެރެއަށް ހުރަސްކޮށްލި ބޯޅައެއް ކައި ހަވެޓްޒް ބޮލުން ގޯލަށް ވައްދާލައިގެން ކާމިޔާބުކުރި ގޯލެކެވެ. އަދި ދެވަނަ ހާފް ފެށިގެން މާގިނަ އިރުތަކެއް ނުވަނީސް އާސެނަލްގެ ކެޕްޓަން މާޓިން އޮޑެގާޑް ވަނީ އެޓީމުގެ ތިންވަނަ ގޯލު ކާމިޔާބުކޮށްދީފައެވެ.
މި ހާފުގައި ލީޑު އިތުރަށް ފުޅާކޮށްލަން ވެސް އާސެނަލަށް ފުރުސަތުތަކެއް ލިބުނުއިރު، ސިޓީން ވެސް އާސެނަލްގެ ގޯލަށް ނުރައްކާ ކުރަން މި ހާފުގައި މަސައްކަތްކޮށްފައިވެއެވެ.
އަންނަ ހުކުރު ދުވަހުގެރޭ އިނގިރޭސި ޕްރިމިއާ ލީގުގެ އާ ސީޒަން ފެށުމަށް ހަމަޖެހިފައިވާއިރު، ފުރަތަމަ މެޗުގައި ބައްދަލުކުރާނީ އާސެނަލް އާއި ހަލް ސިޓީ އެވެ. ފުރަތަމަ މެޗުގައި ސިޓީ ނިކުންނާނީ ބޯންމަތްއާ ދެކޮޅަށެވެ.