ގޯލްޑަން ފުޓްސަލް ޗެލެންޖް 2025ގެ އަތޮޅު ބުރުގައި ކުޅެވުނު ފުރަތަމަ މެޗުގައި ދުވާފަރާއި އިނގުރައިދޫ ބައްދަލުކުރި މެޗު ފަސޭހަކަމާއި އެކު 4-1 ގެ ނަތީޖާއަކުން ދުވާފަރުން އިން ކާމިޔާބުކޮށްފި އެވެ.
މެޗުގެ ފުރަތަމަ ހާފުގައި ގިނަވަގުތު ބޯޅަ ހިފަހައްޓައިގެން މޮޅަށް ކުޅެ ދުވާފަރުން މެޗު ޑޮމިނޭޓުކުރި އިރު، އެޓީމުގެ ފުރަތަމަ ގޯލް ކާމިޔާބުކޮށް ދިނީ އިބްރާހިމް އަޒޫމް އެވެ. މިމެޗުގައި ދުވާފަރުން ކާމިޔާބުކުރި ދެވަނަ ގޯލް ކާމިޔާބުކޮށްދިނީ އިބްރާހިމް އަނާން އަލީ އެވެ..
މެޗުގެ ދެވަނަ ހާފުގައި ދުވާފަރުން އިތުރު ދެގޯލް ކާމިޔާބު ކުރި އިރު އެޓީމުގެ ތިންވަނަ ގޯލް ކާމިޔާބުކޮށްދިނީ މެޗުގެ މޮޅުކުޅުންތެރިޔާގެ މަގާމު ހޯދި މުހައްމަދު އިސާމްއެވެ އަދި އެޓީމުގެ ހަތަރުވަނަ ގޯލް ކާމިޔާބުކޮށްދިނީ އަހްމަދު މިލްހާން މުހައްމަދު އެވެ.
މި މެޗުގައި އިނގުރައިދޫއިން ކާމިޔާބު ކުރި ހަމަ އެކަނި ގޯލް ކާމިޔާބުކޮށް ދިނީ އެޓީމުގެ މުހައްމަދު ޖުމާންއެވެ.