ހުޅުމާލޭގައި ޕިކަޕެއް މަރާމާތުކުރަން އުޅުނު މީހަކު އެ ޕިކަޕުގެ ދަށުވެގެން މަރުވެއްޖެއެވެ.
ފުލުހުން ބުނީ ހުޅުމާޅޭ ސަހަރާ ކައިރީގައި އޮތް ޕިކަޕެއްގެ މަސައްކަތް ކުރުމަށް އެ ޕިކަޕު ދަށަށް ވަދެ އޮތް މީހެއްގެ ގައިމައްޗަށް ޕިކަޕު ވެއްޓިގެން، އެ ކަމުގެ ރިޕޯޓު އިއްޔެ ހެނދުނު، 11:05 ހާއިރު ފުލުހުންނަށް ލިބުނު ކަމަށެވެ.
އެ މީހާ މަރުވެފައިވާކަން ހުޅުމާލެ ހޮސްޕިޓަލުން ކަށަވަރުކޮށްދީފައިވާ ކަމަށް ފުލުހުން ބުންޏެވެ.
ފުލުހުން ބުނީ މަރުވީ އުމުރުން 60 އަހަރުގެ ދިވެހި ފިރިހެނެއް ކަމަށެވެ.
ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.