ދީނީ ގޮތުން ރައްޔިތުން ހޭލުންތެރިކުރުމަށް ގިނަ މަސައްކަތްތަކެއް ކުރައްވަމުން ގެންދަވާ އައްޝައިޚް މުޙައްމަދު އިބްރާހީމްގެ ހާލު ގޯސްވެ ޓްރީ ޓޮޕް ހޮސްޕިޓަލުގައި ފަރުވާދޭން ފަށައިފިއެވެ.
“އެހީ“ ޖަމިއްޔާއިން ބުނީ ދަރުސް ދެއްވުމަށް މާލެ ވަޑައިގަތުމަށްފަހު ހުންގަދަވެ، ހާލު ދެރަވުމުގެ ސަބަބުން އިތުރަށް ފަރުވާ ހޯދުމަށް ރޭ ޝައިޚް އެޑްމިޓް ކޮށްފައި ވާކަމަށެވެ.
އެ ޖަމިއްޔާއިން ވަނީ، ޝައިޚްގެ ބައެއް ސީރިއަަސް ކަންކަން ހިމެނޭތީ، ބައެއް ޓެސްޓުތައް ކުރިއަށްގެންދާނެ ކަމަށް ހޮސްޕިޓަލުން ބުނެފައިވާކަމަށެވެ.
ޅ. ނައިފަރުގެ މަދަރުސަތުލް އިފްތިތާޙުގެ އިސްލާމް މުދައްރިސެއްގެ ވަޒީފާ އަދާކުރައްވަމުން، ޝައިޚް ވަނީ ދީނީ އެކި މައުޟޫތަކަށް ފޮތް ލިޔުއްވައި، ދަރުސްތައް ދެއްވައި، ދީނީ އެކި ކަންކަމުގައި އާންމުންގެ ސުވާލުތަކަށް ޖަވާބު ދެއްވުމުގެ މަސައްކަތް ކުރައްވައިފައެވެ.
މީގެއިތުރުން ލޮލުގެ ފެނުމަށް މައްސަލަ ދިމާވެ، 2019ވަނަ އަހަރާއި 2021ވަނަ އަހަރު ލޮލުގެ އޮޕަރޭޝަނެއް ޝައިޚް މުހައްމަދު އިބްރާހީމް ކުރެއްވިއެވެ. 2023ވަނަ އަހަރު ޝައިޚްގެ ހާލު ގޯސްވުމުގެ ސަބަބުން އިތުރު ފަރުވާއަށް މާލެ ގެނެސް އައިޖީއެމްއެޗްގައި ފަރުވާދީފައިވެއެވެ. އަދި އޭގެ ފަހުން ޝައިޚްގެ ސިކުނޑީގައި ޓިޔުމަރެއް ހުރިކަން ފާހަގަވެ އެ ޓިޔުމަރު ނެގުމަށް އޮޕަރޭޝަން ކުރަންޖެހޭތީ އޭޑީކޭ ހޮސްޕިޓަލަށް ބަދަލުކޮށް އެ އޮޕަރޭޝަން ވެސް ކުރިއެވެ.
އޭހެފަހުން ލޮލުގެ ފަރުވާއަށް ތައިލޭންޑްގެ ބެންކޮކް ހޮސްޮޕިޓަލްގައި ދާދިފަހުން ވަނީ އިތުރު ސާޖަރީއެއް ހަދާފައެވެ.