ރާއްޖެއަށް މަސްތުވާތަކެތި އެތެރެކުރި މީހަކު އުމުރަށް ޖަލަށްލާން ކްރިމިނަލް ކޯޓުން ހުކުމް ކޮށްފިއެވެ.
މި މައްސަލައިގައި ހުކުމް ކުރީ އައްޑޫ ސިޓީ ހިތަދޫ، ވެހެތާނުގެ އަބްދުﷲ ޞާދިގުގެ މައްޗަށެވެ.
ކްރިމިނަލް ކޯޓުން ކުރި ހުކުމުގައި ވަނީ، ސެޕްޓެންބަރު 17، 2024ގެ 19:14ހާއިރު ސްރީލަންކަން އެއާލައިންސްގެ ފްލައިޓަކުން ރާއްޖެ އައިސް، ސާދިގު ވީއައިއޭގައި ހުއްޓައި ކަސްޓަމްސްއިން އޭނާ ހުއްޓުވައި އޭނާގެ ލަގެޖް ފޮށިތަކުގެ ތެރެއިން ފޮށްޓެއް އެކްސްރޭއިން ބެލި ކަމަށެވެ.
އެ ފޮށީގައި އޮތް މާޓުކުރިތަކެއްގެ ތެރޭގައި މަސްތުވާތަކެތި ފޮރުވާފައިވާކަން ފާހަގަވި ކަމަށް އެ ހުކުމުގައިވެއެވެ. އެގޮތުން ފޮރުވާފައިވާ އެކި ޕެކޭޖްތަކުން އެކި ބަރުދަނުގެ މަސްތުވާތަކެތި ފެނުނު ކަމަށާއި އޭގެ ތެރޭގައި، 169.5 ގުރާމާއި 35 ގުރާމާއި 68.5 ގުރާމުގެ ޑައިމޯފިން ހިމެނޭ ޕެކޭޖުތައް ހިމެނުނު ކަމަށް ހުކުމުގައިވެއެވެ.
ޝަރީއަތުގެ މަރުހަލާގައި ސާދިގު ވަނީ ދައުވާއަށް އިންކާރުކޮށްފައެވެ. ސާދިގު ވަނީ އެއީ އޭނާ ރާއްޖެ ގެނައި އެއްޗެއް ކަމަށް އިއުތިރާފުވެ، އޭގައި މަސްތުވާތަކެތި ހުރިކަން ނޭނގޭ ކަމަށް ބުނެފައެވެ.
އެ މައްސަލާގައި ހެކިބަސް ދިން ކަސްޓަމްސްގެ އޮފިސަރުން ބުނީ މަސްތުވާތަކެތި ފެނުމުން ސާދިގާ ސުވާލުކުރުމުން އެއީ ހޮޓަލެއްގެ ސާފުކުރާ މީހަކު ދިން އެއްޗެއް ކަމަށް ފުރަތަމަ ބުނި ކަމަށެވެ. އަދި އިތުރަށް ސުވާލުކުރުމުން އެއީ ދައްތައެއް ދިން އެއްޗެއް ކަމަށް އޭނާ ބުނި ކަމަށް ވެސް ހެކީން ބުންޏެވެ.
އެހެންވެ، ޝަރީއަތުން ވަނީ މަސްތުވާތަކެއްޗާ ގުޅުމުން ސުވާލުކުމުން ސާދިގު ޖަވާބުދީފައި ވަނީ ތަފާތު ގޮތްތަކަށް ކަމަށް ބުނެފައެވެ. އަދި މައްސަލަ ހިނގައިދިޔަ ގޮތަށް ބަލާއިރު، އޭނާ ދޮގު ހަދައި އޮޅުވާލަން މަސައްކަތްކޮށްފައިވާ ކަމަށް ޝަރީއަތުން ނިންމައިފައިވެއެވެ.
ޑުރަގު އެތެރެކޮށްފި ނަމަ، މަރުގެ އަދަބު ދެވޭ ގޮތް ހަދައިފިއިތުރަށް ވިދާޅުވުމަށްއެހެންވެ، އޭނާ 25 އަހަރަށް ޖަލަށް ލާން ހުކުމްކޮށް، އެއް ލައްކަ ރުފިޔާއިން ވަނީ ޖޫރިމަނާކޮށްފައެވެ. ނަމަވެސް އޭނާ ބަންދުގައި ހޭދަކުރި މުއްދަތު ހުކުމުން ކެނޑުމުން، އޭނާ ތަންފީޒު ކުރަން ޖެހެނީ 23 އަހަރާއި ހަތް މަހާއި 14 ދުވަސް ކަމަށް ހުކުމުގައިވެއެވެ.