މިދިޔަ އަހަރުގެ ނޮވެންބަރު މަހުން ފެށިގެން ވީ ތަނެއް ނޭނގިގެން ފުލުހުން ހޯދަން އިއުލާން ކުރި ފުވައްމުލަކު މީހާ ހުރީ ތިލަފުށީގައި ކަމަށް ފުލުހުން މިއަދު ބުނެފިއެވެ.
ފުލުހުން އިއްޔެ ވަނީ, ޢަބްދުލްޢަޒީޒު މުޙައްމަދު (64އ) ދޫޑިގަން، ދުންފިނިގެ، ޏ. ފުވައްމުލައް، ގެއްލިގެން އޭނާ ހޯދުމަށް އާއްމުންގެ އެހީތެރި ކަމަށް އެދިފައެވެ.
ނޮވެމްބަރު މަހުން ފެށިގެން މީހަކު ގެއްލިގެން ހޯދަނީއިތުރަށް ވިދާޅުވުމަށްފުލުހުން އިއްޔެ ބުނީ ޢަބްދުލްޢަޒީޒު މުޙައްމަދު މަސައްކަތްކުރަނީ މުދާ އުފުލާ ދޯނިފަހަރުގައި ކަމަށާއި، އޭނާގެ ޚަބަރެއް އާއިލާއަށް އެންމެ ފަހުން ވެފައިވަނީ މިދިޔަ އަހަރުގެ ސެޕްޓެމްބަރު ތިން ވަނަ ދުވަހު ފޯނުން ކަމަށް އޭނާގެ އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.
އަދި ޢަބްދުލްޢަޒީޒު މުޙައްމަދު އާއިލާގެ މީހަކަށް އެންމެ ފަހުން އޭނާ ފެނިފައިވަނީ މިދިޔަ އަހަރުގެ ނޮވެމްބަރު މަސްތެރޭގައި އައިޖީއެމްއެޗް ކައިރިން ކަމަށް ވެސް އޭނާގެ އާއިލާއިން ފުލުހުންނަށް މައުލޫމާތު ދީފައިވާ ކަމަށް ފުލުހުން ބުންޏެވެ.
އޭގެ ފަހުން އޭނާގެ ޚަބަރެއް ނުވާތީ އޭނާ ހޯދަން އިއްޔެ ފުލުހުން ވަނީ އިއުލާންކޮށްފައެވެ.
ފުލުހުން މިއަދު ބުނީ ޢަބްދުލްޢަޒީޒު މުޙައްމަދު، އޭނާގެ އާއިލާއަށާއި ފުވައްމުލައް ޕޮލިސް ސްޓޭޝަނަށް ގުޅައި، އޭނާ ހުރީ ތިލަފުށީގައި ކަމާއި ހާލު ރަނގަޅުކަމަށް ބުނެފައިވާ ކަމަށެވެ.
