މުދާ އުފުލާ ބޯޓެއް ބަންޑުން ޖަހާލައި ގެއްލުނު ދެ މީހުންގެ ތެރެއިން އެކަކު މަރުވެފައި އޮއްވާ ފެނިއްޖެއެވެ.
”ބަލްމާ – 6“ ނަމަކަށް ކިޔާ މުދާ އުފުލާ ބޯޓު ބަންޑުން ޖަހާލީ ތާޖް އެގްޒޯޓިކާ ރިސޯޓު ކައިިރިއަށެވެ.
ފުލުހުން ބުނީ އެ ބޯޓުން ގެއްލުނު ދެ މީހުންގެ ތެރެއިން ދިވެހި މީހާގެ ފުރާނަ ނެތް ހަށިގަނޑު މިހާރު ފެނިފައިވާ ކަމަށެވެ. ދެން ގެއްލުނީ ބިދޭސީއެކެވެ. އޭނާ ހޯދުމުގެ މަސައްކަތް ފުލުހުންނާއި ސިފައިން އަންނަނީ ކުރަމުންނެވެ.
އެ ބޯޓުން ދަތުރުކުރީ ޖުމްލަ ހަތަރު މީހުންނެވެ. އަނެއް ދެ މީހުން ވަނީ އެ ސަރަހައްދުން ދަތުރުކުރި ދޯންޏަކަށް ނަގާފައެވެ.
ގެއްލުނު މީހާ ހޯދުމަށް އެމްއެންޑީއެފްގެ ހުރިހާ ވަސީލަތްތައް ބޭނުންކޮށްގެން އަންނަނީ މަސައްކަތް ކުރަމުންނެވެ.