ހާލު ދެރަވުމުގެ ސަބަބުން، އުމްރާއަށް ދިޔަ މީހުންގެ ތެރެއިން އެނދުމަތިކުރި އުމްރާވެރިޔާ މޯލްޑިވިއަންގެ ފުލައިޓެއްގައި މާލެ ގެނެސް، ފަރުވާދޭން ފަށައިިފިއެވެ.
އެ މީހާ މާލެ ގެނައީ ގައުމީ އެއާލައިން މޯލްޑިވިއަންގެ ފްލައިޓެއްގައި މިދިޔަ ހޮނިހިރު ދުވަހެވެ.
މޯލްޑިވިއަނުން ބުނީ، އެ މީހާ ބަލާ ކުރި ދަތުރުގައި މާލޭން ޑޮކްޓަރަކާއި ނަރުހެއް ވެސް އެ ފްލައިޓުގައި ފޮނުވި ކަމަށެވެ.
އެނގިފައިވާގޮތުގައި އެ މީހާއަށް ފަރުވާދެމުން ދަނީ ވެންޓިލޭޓަރު ގުޅައިގެންނެވެ.
ސަރުކާރުން އަންނަނީ ރައްޔިތުންނަށް ދިމާވާ މިފަދަ ދަތި އުނދަގޫ ހާލަތްތަކުގައި ވެސް އެހީތެރިކަން ފޯރުކޮށްދެމުންނެވެ.