ވެރިކަން ކުރާ ޕީއެންސީއާ މިދިޔަ 25 ދުވަހުގެ ތެރޭގައި 5،000 މީހުން ގުޅި ރާއްޖޭގެ ތާރީޚްގައި ރެކޯޑެއް ގާއިމްކޮށްފިއެވެ.
މިއީ މިހާ ކުރު މުއްދަތެއްގެ ތެރޭގައި ރާއްޖޭގެ ސިޔާސީ ޕާޓީއަކަށް މިހާ ގިނަ މެންބަރުން ގުޅުނު ފުރަތަމަ ޕާޓީއެވެ.
ޕީއެންސީގެ މައި އޮފީސް ހުޅުވަން މިރޭ ބޭއްވި ޖަލްސާގައި އެ ޕާޓީގެ ޕާލަމެންޓްރީ ގުރޫޕުގެ ލީޑަރު އިބްރާހިމް ފަލާހު ވިދާޅުވީ ޕީއެންސީގައި މިހާރު 7400 އަށްވުރެ ގިނަ މެންބަރުން އެބަތިބި ކަމަށެވެ.
އޭނާ ވިދާޅުވީ ކުރިން 90،000 މެންބަރުން ތިބި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން ދަށްވެފައިވާ ކަމަށެވެ. އެ ޕާޓީގެ މެންބަރުންގެ އަދަދު މިހާރު އުޅެނީ 45،000އަށްވުރެ ދަށުގައެވެ.
”މީގެ ދެ އަހަރެއްހާ ދުވަސް ކުރިން ޕީއެންސީގެ ދަފްތަރަކީ ގާތްގަނޑަކަށް 3،000 ވަރަކަށް މެމްބަރުން، ނަމަވެސް ރައީސް މި ޕާޓީއާ ހަވާލުވެ މިވީ މަދު ދުވަސްކޮޅުގެ ތެރޭގައި މިއަދު ޕީއެންސީގެ ދަފްތަރަކީ 74،000 މެމްބަރުން ކަން އުފަލާއެކު ފާހަގަ ކުރަން،“ ފަލާހް ވިދާޅުވިއެވެ.