ވެލާނާ އިންޓަނޭޝަނަލް އެއާޕޯޓްގައި ޑޮލަރު ވިއްކަން ހުރި ބިދޭސީއެއް ހައްޔަރުކޮށްފިއެވެ.
ބަންގްލަދޭޝްއަށް ނިސްބަތްވާ 20 އަހަރުގެ އެ ބިދޭސީ މީހާ ހައްޔަރުކޮށްފައި ވަނީ ހުއްދަ ނުނަގައި ބޭރު ފައިސާ މާރުކުރުމުގެ މަސައްކަތް ކުރިއަށްގެންދިޔުމުންނެވެ.
އޭނާގެ ބަންދަށް އިއްޔެ ކްރިމިނަލް ކޯޓުން ވަނީ 15 ދުވަސް ޖަހައިފައެވެ.
އޭނާ ހުއްޓުވާފައިވަނީ ޑޮމެސްޓިކް ޓާމިނަލްގެ ޑްރޮޕް އޭރިއާގައި ޑޮލަރު މާރުކުރަން އުޅެނިކޮށެވެ.
ކަޅުބާޒާރުގައި ރާއްޖޭގައި ޑޮލަރުގެ ވިޔަފާރި ކުރަނީ ގިނައިން ބިދޭސީންނެވެ. މަހެއްގެ މައްޗަށް މިކަމުން މިލިއަނުން އެ މީހުން ފައިދާ ހޯދައެވެ.