ވ. އަތޮޅުގެ ރިސޯޓެއްގައި ވިހެއި ތުއްތު ކުއްޖަކު މަރުވެ ކުނިވެފައި އޮއްވާ ފެނުނު މައްސަލައެއް ފެންމަތިވެއްޖެއެވެ.
ސޯޝަލް މީޑިއާގައި އާންމުވެފައިވާގައި މަރުވެފައި އޮއްވާ އެ ކުއްޖާ ފެނުނީ ރިސޯޓްގެ ޑަސްބިނެއްގެ ތެރެއިންނެވެ. އެ ޑަސްބިން ބެލީ ކުނިވަސް ދުވާތީއެވެ. ބެލިއިރު، މަރުވެފައި އޮތް ދެ ކިލޯގެ ތުއްތު ކުއްޖަކު އޮތެވެ.
މިކަމާ ގުޅިގެން ފުލުހުން ބުނީ ވ. އަތޮޅުގެ ރިސޯޓެއްގައި 27 އަހަރުގެ އަންހެނަކު ބަލިވެ އިނދެ ބައިގެން ގޮސް ކުއްޖާ މަރުވި މައްސަލައެއް މިއަދު ހެނދުނު 10:00 ގައި ހުށަހެޅިފައިވާ ކަމަށެވެ.
އެ މައްސަލައާ ގުޅިގެން މީހަކު ހައްޔަރުކޮށްފައިވާ ކަމަށް ފުލުހުން ބުންޏެވެ. ހައްޔަރުކުރީ ކާކުކަމެއް ނުބުނެއެވެ.
ފުލުހުން ބުނީ އެ މައްސަލައިގެ އިތުރު މައުލޫމާތު ފަހުން ހާމަކުރާނެ ކަމަށެވެ.