ހުޅުމާލެ ތިން ވަނަ ފިޔަވަހިން ގޯތި ލިބުނު މީހުންގެ ގުރު ނެގުން ފަށައިފި

ހުޅުމާލެ ތިން ވަނަ ފިޔަވަހިން ގޯތި ލިބުނު މީހުންގެ ގުރު ނެގުން މިއަދު ފަށައިފިއެވެ.

ހައުސިން މިނިސްޓްރީން ބުނީ، ހުޅުމާލެ ތިންވަނަ ފިޔަވަހީގެ އާ ލޭންޑް ޔޫސް ޕްލޭނެއް ތައްޔާރުކުރެވިފައިވާތީ، އެ ޕްލޭނަށް ރިޢާޔަތްކޮށް އެ ތަނުން ގޯތި ލިބުނު ސަރަޙައްދަށް ބަދަލު އައިސްފައިވުމުން، އާ ލޮޓް ނަންބަރު ކަނޑައަޅާފައިވާ ކަމަށެވެ.

އާ ޕްލޮޓް އެލޮކޭޓް ކުރުމަށްޓަކައި ގޯތި ލިބުނު މީހުންގެ މެދުގައި އަލުން ގުރުލަނީ ކަމަށް ކަމަށް އެ މިނިސްޓްރީން ބުނެއެވެ.

ކަލާފާނު ސްކޫލްގައި ގުރުއަތުލުން ކުރިއަށްގެންދަނީ ހައުސިން  މިނިސްޓްރީގެ މުވައްޒަފުންނެވެ.

ހުޅުމާލެ ތިން ވަނަ ފިޔަވަހިން ގޯތި ލިބުނު މީހުންގެ ގުރު ނަގަނީ، ހައުސިން މިނިސްޓްރީގެ މުވައްޒަފުންނެވެ. އެ ވަގުތު ހޯލަށް ވަދެވޭނީ އެ ގޯއްޗެއް ލިބޭ ފަރާތްތަކުގެ ތެރެއިން ކޮންމެވެސް އެކަކަށެވެ.

މިނިސްޓްރީން ބުނީ، އެ ގުރު ނެގުން ކުރިއަށް ދާއިރު، ޕްލޮޓް އެލޮކޭޓު ކުރެވޭ މީހުންނަށް ވަގުތުން ލިބުނު ޕްލޮޓް ނަމްބަރު އެސްއެމްއެސް މެދުވެރިކޮށް ލިބޭނެ ކަމަށެވެ.

ތިންވަނަ ފިޔަވަހިން ދޫކުރާ ގޯތިތަކާއި އެ ތަންތަނުގެ ބޮޑުމިން:

1650 އަކަފޫޓުގެ 181 ގޯތި

2050 އަކަފޫޓުގެ 242 ގޯތި

2450 އަކަފޫޓުގެ 132 ގޯތި

2850 އަކަފޫޓުގެ 62 ގޯތި

3250 އަކަފޫޓުގެ 41 ގޯތި

3650އަކަފޫޓުގެ 16 ގޯތި

4000 އަކަފޫޓުގެ 24 ގޯތި

ހުޅުމާލެ ތިންވަނަ ފިޔަވަހި ހިއްކުމުގެ މަސައްކަތް އަލުން ފަށައިގެން ކުރިއަށް ގެންދާއިރު މިހާރު ވަނީ ޖުމްލަ 63 ހެކްޓަރުގެ ތެރެއިން 31.5 ހެކްޓަރު ހިއްކައި މިހާރު ވަނީ ނިމިފައެވެ.