ރައްޔިތުންގެ މަޖިލީހުގެ ކޮމަންޑޫ ދާއިރާގެ ކުރީގެ މެންބަރު ހުސައިން ވަހީދުގެ ހަނދާނުގައި ށ. ފޯކައިދޫގައި އިމާރާތްކުރި މިސްކިތް މިއަދު ހުޅުވައިފިއެވެ.
މިއަދު ހުކުރު ނަމާދުގެ ކުރިން ބޭއްވުނު ރަސްމިއްޔާތެއްގައި މިސްކިތް ހުޅުވައި ދެއްވީ އިސްލާމީކަންތައްތަކާ ބެހޭ ވުޒާރާގެ ސްޓޭޓް މިނިސްޓަރު ޢަބްދުލްއަޒީޒް ޖަމާލް އަބޫބަކުރާއި އަލްމަރްހޫމް ހުސައިން ވަޙީދުގެ ދަރިކަލުން އަހްމަދު ނަވީން ހުސައިނެވެ.
މިމިސްކިތަކީ އަލްމަރުހޫމް ހުސައިން ވަހީދުގެ ޚަރަދުގައި ބިނާކޮށްފައިވާ މިސްކިތެކެވެ. 400 މީހުންނަށް ނަމާދު ކުރެވޭ މި މިސްކިތުގެ ނަމަކީ މަސްޖިދުލް ނޫރު އެވެ.
މިސްކިތް ހުޅުވުމަށްފަހު މިއަދު ހުކުރު ޚުޠުބާ ދެއްވީ ޝެއިޚް އަޙްމަދު ސަމީރެވެ.