ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް)އަށް ކުރީގެ އެގްރިކަލްޗާ މިނިސްޓަރު ޑރ. އައިޝަތު ރަމީލާ އައްޔަންކުރަން ރައްޔިތުންގެ މަޖިލީހުން މިއަދު ރުހުން ދީފިއެވެ.
އެ މަގާމަށް ރަމީލާގެ ނަން ރައީސް ޑރ. މުހައްމަދު މުއިއްޒު ފޮނުއްވީ މި މަހު ކުރީކޮޅެވެ.
ސިއްހީ ހާލަތުހުރިގޮތުން ޑރ. ރަމީލާ މިނިސްޓަރުކަމުން އިސްތިއުފާދެއްވީ މިދިޔަ އަހަރުގެ ޑިސެމްބަރު މަހުގެ ތެރޭގައެވެ.
ރަސްމީލާގެ ނަން ފާސްވީ ވޯޓުގައި ބައިވެރިވި 63 މެންބަރުންގެ އިއްތިފާގުންނެވެ.
އެ މަގާމަށް ކުރީގެ މިނިސްޓަރު ރަމީލާގެ ނަން މަޖިލީހަށް ފޮނުއްވީ އެޗްއާރްސީއެމްގެ ރައީސްކަމުގައި ހުންނެވި މަރްޔަމް މުނާގެ މެންބަރުކަމުގެ ދައުރު ނޮވެންބަރު 30، އަށް ހަމަވާތީއެވެ.
އެޗްއާރްސީއެމްގައި މިވަގުތު ތިއްބެވި މެންބަރުންނަކީ ނައިބު ރައީސް މުޙައްމަދު ޝަފީޤް މަޙްމޫދު އާއި މެންބަރު ސަމާޢު އަޙްމަދު ނަޖީބު އާއި މެންބަރު އިސްމާޢީލް ޙަބީބު ޢަބްދުއްރަޙީމް އާއި މެންބަރު އަޙްމަދު މަޤުސޫމް އެވެ.