މެދުރާއްޖެތެރޭގެ ރަށެއްގައި އިމާރާތެއްގެ ދެވަނަ ފަންގިފިލައިން ވެއްޓުނު ތުއްތު ކުއްޖަކު، އިތުރު ފަރުވާއަށް މާލެ ގެނެސްފިއެވެ.
މިދިޔަ މެއި މަހުގެ 29 ވަނަ ދުވަހު ހިނގި މި ހާދިސާއާ ގުޅިގެން ފުލުހުން މައުލޫމާތު ދޭގޮތުގައި، ވެއްޓުނު ކުއްޖާއަށް ބޭރުފުށުން އެއްވެސް އަނިޔާއެއް ލިބިފައެއް ނުވެއެވެ. ނަމަވެސް އެ ކުއްޖާގެ ހާލަތު އިތުރަށް ޔަގީންކުރުމަށްޓަކައި، އާއިލާގެ އެދުމުގެ މަތިން އިތުރު ޓެސްޓުތައް ހެދުމަށް މިހާރު ވަނީ އައިޖީއެމްއެޗަށް ގެނެސްފައެވެ.
މި ހާދިސާ ހިނގި ވަގުތާއި ކުއްޖާގެ އުމުރު ފަދަ ތަފްސީލުތައް ފުލުހުން އަދި ހާމަކޮށްފައި ނުވާއިރު، ކަމާގުޅޭ އިތުރު ތަހުގީގުތައް ފުލުހުން އަންނަނީ ކުރަމުންނެވެ.