މިއަދު ފެށުމަށް ހަމަޖެހިފައިވާ ރ.އަތޮޅު ކައުންސިލުން އަތޮޅުގެ ރަށްތަކުގެ މެދުގައި ބާއްވާ އަރުތަ ފުޓްސަލް މުބާރާތުގެ އެންމެ ކާމިޔާބު ރަށްކަމުގައިވާ ދެފަހަރުގެ ޗެމްޕިއަން ދުވާފަރު ޓީމް މުބާރާތަށް ނިކުންނަނީ ތިންވަނަ ފަހަރަށް ތަށި ހޯދައި މިލްކުރުމުގެ އަޒުމުގައެވެ.
އިންނަމާދޫގައި ކުރިއަށްދާ މި މުބާރާތް ފެށުމުގެ ގޮތުން މިއަދު ހަވީރު ކުޅުމަށް ހަމަޖެހިފައިވަނީ ގުރޫޕް އޭގެ ދެ ޓީމްކަމުގައިވާ އިންނަމާދު އާއި ކިނޮޅަހުގެ މެޗެވެ. ދުވާފަރާއި މަޑުއްވަރީ ބައްދަލުކުރާ ފޯރިގަދަ މެޗު ކުޅުމަށް ހަމަޖެހިފައިވަނީ މިރޭ 8 ޖަހާއިރެވެ. މިރޭގެ ފަހު މެޗުގައި ބައްދަލުކުރާނީ ފައިނާއި ހުޅުދުއްފާރެވެ.