ސުލްހައަށް ލޯބުކުރާކަމަށް ދައްކަމުން އަންނަ އެމެރިކާގެ މަދަދުވެރިކަމާއިއެކު ނިރުބަވެރި އިސްރާއީލުން ފަލަސްތީނުގެ ޣައްޒާގައި ހުރި ނާސިރު ހޮސްޕިޓަލަށް ބޮން އަޅައިފިއެވެ.
ބައިނަލްއަޤްވާމީ ޤާނޫނުތަކާއި ހިލާފަށް އިސްރާއީލްގެ އަސްކަރިއްޔާގެ ސިފައިން ޑްރޯނެއް ބޭނުންކޮށްގެން އެ ހޮސްޕިޓަލަށް ބޮން އެޅީ ރޭ ފަތިހުގެ ވަގުތެއްގައެވެ. ސިފައިން އެ ހޮސްޕިޓަލަށް ހަމަލާދިނީ ހޮސްޕިޓަލްގެ ބޭރުގައި އާއި އެތެރޭގައި ފަލަސްތީނުގެ އެތައް ބަޔަކު ތިއްބައެވެ. މި ހަމަލާއާ ގުޅިގެން ހޮސްޕިޓަލް ތެރޭގައި އެތައް ބަޔަކު ތިބީ ބިރުވެރިކަމެއްގެ ތެރޭގައެވެ.
ހޮސްޕިޓަލަށް ހަމަލާދޭ ވީޑިއޯ ފޫޓޭޖުތައް މިހާރު ދަނީ މީސް މީޑިއާގައި ދައުރުވަމުންނެވެ.
އިސްރާއިލުން ފަލްސްތީނުގެ ނިކަމެތި ރައްޔިތުންނަށް ދޭ ހަމަލާތަކުގައި މިހާތަނަށް ބައި ލައްކައަށްވުރެ ގިނަ މީހުން ވަނީ ޝަހީދުކޮށްލާފައެވެ.