ޓިއުނީޝިއާގެ މިނިވަން ދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ޓިއުނީޝިއާގެ މިނިވަން ދުވަހުގެ ތަހުނިޔާ އާއި ހެޔޮއެދުންތައް، ދިވެހި ސަރުކާރާއި ރައްޔިތުންގެ ނަމުގައި، ޓިއުނީޝިއާގެ ރައީސް، ޤައިސް ސަޢީދާއި، ބޮޑުވަޒީރު، ކަމާލް މަދަވްވަރީއަށް ފޮނުއްވައިފިއެވެ.
ރައީސުލްޖުމްހޫރިއްޔާ، ޓިއުނީޝިއާގެ ރައީސާއި ބޮޑުވަޒީރަށް ވަކިވަކީން ފޮނުއްވި ތަހުނިޔާގެ މެސެޖުގައި، އެ ދެ ބޭފުޅުންނަށް ދުޅަހެޔޮ ޞިއްޙަތަކާއި އުފާފާގަތިކަމަށް އެދިވަޑައިގެންފައިވެއެވެ. އަދި މީގެ އިތުރުން ޓިއުނީޝިއާގެ ރައްޔިތުންނަށް އަމަންއަމާންކަމާއި ކުރިއެރުމާއި ފާގަތިކަމަށް އެދިވަޑައިގެންފައިވެއެވެ.
ޓިއުނީޝިއާގެ މިނިވަން ދުވަހުގެ ގޮތުގައި މި ދުވަސް ފާހަގަކުރަނީ 1956 ވަނަ އަހަރު، އެޤައުމަށް މިނިވަންކަން ލިބުނު ދުވަހާއި ގުޅުވައިގެންނެވެ.