ފަނަރަ ރަށެއްގެ ސިއްހީ މަރުކަޒުގައި ލެބޯޓަރީ އިމާރާތުގެ މަސައްކަތްކޮށްދޭނެ ބަޔަކު ހޯދުމަށް ސިއްހަތާއި އާއިލާއާއި އިޖުތިމާޢީ އެހީއާ ބެހޭ ވުޒާރާއިން އިޢުލާންކޮށްފިއެވެ.
މި ފަނަރަ ރަށުގައި ލެބޯޓަރީ އިމާރާތް ކޮށްދޭން ޝައުގުވެރިވާ ފަރާތްތަކުން އަންނަ މަހުގެ އަށް ވަނަ ދުވަހުގެ ކުރިން، ޓެންޑާ ހުށަހެޅުމުގެ ފުރުސަތު ވަނީ ހެލްތު މިނިސްޓްރީން ހުޅުވާލާފައެވެ.
ލެބޯޓަރީގެ ޚިދުމަތް ގާއިމު ކުރުމަށް އިއުލާންކޮށްފައިވާ ފަނަރަ ރަށަކީ:
ރ. ފައިނު
ނ. ކުޑަފަރި
ނ. ފޮއްދޫ
ބ. ކުޑަރިކިލު
ބ. ދޮންފަނު
މ. ރަތްމަންދޫ
ލ. މުންޑޫ
ލ. ކުނަހަންދޫ
ށ. ގޮއިދޫ
ހއ. މުރައިދޫ
ހދ. ކުމުންދޫ
ހދ. ނައިވާދޫ
– ތ. އޮމަދޫ
– ތ. ގާދިއްފުށި
– އދ. ދިއްދޫ
ލެބޯޓަރީތައް ގާއިމުކޮށްދޭނެ ބަޔަކު ހޯދުމަށް އިޢުލާންކޮށްފައިވާއިރު، ލެބޯޓަރީގެ ޚިދުމަތް ނެތް 76 ރަށުގައި އެޚިދުމަތް ގާއިމުކުރުމުގެ މަސައްކަތް ހެލްތު މިނިސްޓްރީން އަންނަނީ ކުރަމުންނެވެ.
އަތޮޅުތަކުގެ ރަށްރަށުގައި ލެބޯޓަރީގެ ޚިދުމަތް ޤާއިމުކުރުމަށް ސަރުކާރުން ފަށާފައިވާ މަޝްރޫއުގެ ދަށުން މިއަހަރުގެ މިހާތަނަށް 18 ރަށެއްގައި ލެބޯޓަރީގެ ޚިދުމަތް ޤާއިމުކޮށްފައިވެއެވެ.