އެފްއޭއެމްގެ ހިޔާނާތުގެ މައްސަލައާ ގުޅިގެން ދައުލަތުން ދައުވާ އުފުލާފައިވާ އެ އެސޯސިއޭޝަންގެ އެކައުންޓްސް ޑިޕާޓްމަންޓްގެ ކުރީގެ ހެޑް، މުހައްމަދު އަގީލް ފިލައިގެން ތައިލެންޑުގެ ބެންކޮކްގައި އުޅެނިކޮށް ހައްޔަރުކޮށްފިއެވެ.
އެނގިފައިވާގޮތުގައި އަގީލް ހައްޔަރުކުރީ މީގެ ދެ ހަފްތާކުރިން ބެންކޮކުގެ ފުލުހުންނެވެ. އޭނާ ހޯދަން އިންޓަޕޯލުން ރެޑްނޯޓިސް ވެސް ނެރުނެވެ.
އޭނާ ޑީޕޯޓްކޮށް ރާއްޖެ ފޮނުވާލުމުގެ މަސައްކަތް ތައިލެންޑްގެ ސަރުކާރުން އަންނަނީ ކުރަމުންނެވެ.
އޭނާގެ މައްޗަށް ދައުވާ އުފުލީ އެފްއޭއެމްގެ ކުރީގެ ރައީސް ބައްސާމް އަދީލް ޖަލީލަށް އެހީތެރިވެދިން ކަމުގެ ތުހުމަތުގައެވެ.
ބައްސާމްގެ މައްޗަށް އުފުލި ބައެއް ދައުވާތައް ސާބިތުވެ 20 އަހަރަށް ވުރެ ދިގު މުއްދަތެއްގެ ޖަލު ހުކުމެއް އިއްވާފައެވެ.