ރާއްޖޭގެ ކުރީގެ މަޝްހޫރު ފިލްމު ޑައިރެކްޓަރު އަބްދުލްފައްތާހު ހާޓްއެޓޭކެއް ޖެހިގެން ނިޔާވެއްޖެއެވެ.
ފައްތާހު ނިޔާވީ ކުއްލިގޮތަކަށް ހާޓްއެޓޭކެއް ޖެހިގެން ހއ. ދިއްދޫގައި ހުންނަ ހއ. އަތޮޅު ހޮސްޕިޓަލަށް ގެންގޮސް ފަރުވާދެމުން ދަނިކޮށެވެ.
ނިޔާވިއިރު، ފައްތާހަށް ވަނީ އަންނަ އަހަރު ބާއްވާ ލޯކަލް ކައުންސިލް އިންތިހާބުގައި ކެލާ ކައުންސިލްގެ ރައީސް ކަމަށް ޕީއެންސީގެ ފަރާތުން ވާދަކުރުމުގެ ޓިކެޓް ދީފައެވެ.
އޭނާ ވަނީ ފިލްމީ ދާއިރާ އިން ރިޓަޔާކޮށް 2018 ވަނަ އަހަރު އަމިއްލަ ރަށް ކަމަށްވާ ހއ. ކެލާ އަށް ދިރިއުޅުން ބަދަލުކޮށްފައެވެ. އެއަށްފަހު އޭނާ ދިރިއުޅެމުން އައީ ކެލާގައެވެ.
ފައްތާހުގެ އާއިލާއަށް ”އުރުވާ ނިވްސްގެ“ ޓީމްގެ ފަރާތުން ތައުޒިޔާ ކިޔަމެވެ. މާތްﷲ އެ މަރުހޫމްގެ ފުރާނައަށް ސުވަރުގޭގެ ދާއިމީ ނިއުމަތް ލައްވާށިއެވެ.