ކ. ގުރައިދޫ ކައިރިން 6 ފޫޓުގެ ކިނބުލެއް ހިފައި, ސިފައިންގެ ބެލުމުގެ ދަށަށް ގެންގޮސްްފިއެވެ.
އެމްއެންޑީއެފް އިން ބުނީ އެ ކިނބޫ ހިފީ ގުރައިދޫގެ ހުޅަނގު ދެކުނުން 1.5 ނޯޓިކަލް މޭލު ބޭރުން، ’ރަންމުތް‘ ކިޔާ ދޯންޏަކުން ކަމަށެވެ.
އެ ކިނބޫ މިހާރު އޮތީ ސިފައިންގެ ބެލުމުގެ ދަށުގައެވެ. އަދި އެ ކިނބުލަށް ”ރާއްޖެއަށް ނާދެވޭ ގޮތަށް، ރާއްޖޭގެ އިގްތިސާދީ ސަރަހައްދުން ބޭރަށް ދޫކޮށްލުމުގެ މަސައްކަތް“ ސިފައިން އަންނަނީ ކުރަމުން އަންނަ ކަމަށް އެމްއެންޑީއެފް އިން ބުންޏެވެ.
ކިނބުލަކީ ރާއްޖޭގެ ބައެއް ސަރަހައްދުތަކުން މީގެކުރިން ވެސް ފެނިފައިވާ ނުރައްކާތެރި އެއްޗެކެވެ.