ބޮޑު ތަރުހީބަކާ އެކު އުރީދޫ މޯލްޑިވްސްއިން އިންތިޒާމު ކޮށްގެން ބޭއްވި އުރީދޫ ފަން ރަން ހުޅުމާލޭގައި ބާއްވައިފިއެވެ.
ފަން ރަންގައި ގިނަ އަދަދެއްގެ ބަޔަކު ބައިވެރިވިއިރު، އެ ދުވުން ޝަރަފުވެރިކޮށްދިނީ ދައުލަތުގެ ވަޒީރުންނާއި ސަލާމަތީ ބާރުތަކުގެ އިސްވެރިންގެ އިތުރުން އުރީދޫގެ އިސްވެރިންނެވެ. މި ރަންގައި އެކި އުމުރުފުރާގެ ފަރާތްތަކުން ވަނީ ބައިވެރިވެފަ އެވެ.
ފަން ރަންގެ ދުވުން ނިންމި މީހުންނަށް ހާއްސަ މެޑަލްއެއް އުރީދޫއިން ދިނެވެ.
ރާއްޖޭގެ އެންމެ ބޮޑު، އެންމެ އުފާވެރި މި ދުވުމަކީ ހުރިހާ އުމުރެއްގެ އާއިލާތަކަށާއި ރަހުމަތްތެރިންނަށް ވެސް މަޖާކޮށްލެވޭ ގޮތަށް ފަރުމާކޮށްފައިވާ މަޖާ 5ކޭ ދުވުމެކެވެ. އުރީދޫ ފަން ރަންގައި ކޮންމެ ކިލޯމީޓަރ އެއް ދުވެ ނިމުމުން، ބެހެއްޓިފައިވާ ސްޓޭޝަންތަކުގައި، ކުލަގައިގެ އިތުރުން ފެން އަދި މަޖާ ހަރަކާތްތަކެއް ކުރިއަށްދެ އެވެ. މިއީ ވަކި ވަގުތެއްގެ ތެރޭގައި ނިންމަން ޖެހޭ ރޭހަކަށް ނުވާތީ، ހިނގާފަ، ޖޮގްކޮށްފަ، ދުވެފަ ނޫނީ ނަށަމުންވެސް މި ދުވުން ނިންމުމުގެ ފުރުސަތު އޮވެ އެވެ.
އުރީދޫ ފަން ރަން އަކީ ކޮންމެ އަހަރަކު އުރީދޫއިން ބާއްވަމުންދާ ހަރަކާތްތަކުގެ ތެރެއިން އާއްމުންގެ މެދުގައި އެންމެ މަޤުބޫލު އެއް ހަރަކާތެވެ.