ކ. ކާށިދޫގެ މުދާ އުފުލާ ބޯޓެއް އެ ރަށު ފަރަށް އަރައި، އެ ބޯޓުން ދަތުރުކުރަމުން ދިޔަ މީހަކު މަރުވެއްޖެއެވެ.
އެމްއެންޑީއެފުން ބުނީ މާލެއިން ފުރައިގެން ކާށިދޫ އަށް ދަތުރު ކުރި ’ފައިސަލާ‘ ބޯޓު، ކާށިދޫގެ ފަރަށް އަރައިގެން އުޅޭ ކަމުގެ މައުލޫމާތު ލިބިގެން ސިފައިން ހަރަކާތްތެރި ވަމުންދާ ކަމަށެވެ.
އެ އުޅަނދުން 11 މީހުން ދަތުރުކުރި ކަމަށާއި، އޭގެތެރެއިން 10 މީހުން ފުލުހުން ވަނީ ސަލާމަތްކޮށްފައެވެ. ގެއްލިފައިވާ މީހާ ފެނުނުއިރު، އޮތީ މަރުވެފައި ކަމަށް ފުލުހުން ބުންޏެވެ. .
އެ ދޯނި ފަރަށް އެރީ، މިރޭ 20:00 ހާއިރުއެވެ. ދޯނިން ގެއްލިގެން ހޯދަނީ ބިދޭސީއެކެވެ.