ރ. އަތޮޅު ކައުންސިލް އަރުތަ ފުޓްސަލް ޗެލެންޖުގައި ދުވާފަރާއި ކިނޮޅަސް ބައްދަލުކުރި މެޗު ފަސޭހަކަމާއި އެކު ދުވާފަރުން ކާމިޔާބުކޮށްފިއެވެ.
މެޗުގެ ފުރަތަމަ ދެ ގޯލު ފުރަތަމަ ހާފުގައި ކާމިޔާބުކޮށްދިނީ މުސްލިމް މުހައްމަދު (ރޮނާ) އެވެ.
ދުވާފަރު ޓީމުގެ އިތުރު ގޯލްތައް ފެނިގެންދިޔައީ މެޗުގެ ދެވަނަ ހާފުގައެވެ. އެގޮތުން މެޗުގެ ތިންވަނަ ގޯލް ކާމިޔާބުކޮށްދިނީ ރީތި ބެކްހީލަކުން މުހައްމަދު އިސާމް (ސަންޓޭ) އެވެ. އަދި ދުވާފަރު ޓީމުގެ ހަތަރުވަނަ ގޯލް ކާމިޔާބުކޮށްދިނީ އަލީ މުހައްމަދު އެވެ. މެޗުގެ ފަސްވަނަ އަދި ހަވަނަ ގޯލް ކާމިޔާބުކޮށްދިނީ މެޗުގެ މޭން އޮފް ދަ މެޗް މުހައްމަދު އިސާމް (ސަންޓޭ) އެވެ. ދުވާފަރު ޓީމުގެ ހަތްވަނަ ގޯލް ކާމިޔާބުކޮށްދިނީ އަހްމަދު މިލްހާން (މިއްލު) އެވެ.
މާދަމާ ރޭވެސް ދުވާފަރު ޓީމުގެ މެޗެއް ކުޅުމަށް ހަމަޖެހިފައިވެއެވެ. އެގޮތުން މާދަމާ ރޭ ދުވާފަރު ބައްދަލު ކުރާނީ މުބާރާތް ބާއްވާ ރަށްކަމުގައިވާ އިންނަމާދޫއާއެވެ.