ސައޫދީ އަރަބިއްޔާގައި ސްކޫލުތަކާއި މިސްކިތްތަކުގެ 500 މީޓަރު ދުރުމިނުގައި ސިނގިރޭޓު ވިއްކުން މަނާކުރާ އުސޫލެއް ތަންފީޒުކުރަން ފަށައިފިއެވެ.
އާންމު ރައްޔިތުންގެ ޞިއްޙަތު ރައްކާތެރިކުރުމުގެ ގޮތުން މިނިސްޓްރީ އޮފް މުނިސިޕަލިޓީސް އެންޑް ހައުސިންގުން ތައާރަފްކުރި މި އުސޫލަކީ ޚާއްޞަކޮށް ކުދިންނާއި ޒުވާނުން ސިނގިރޭޓަށް ހުށަހެޅުން މަދުކުރުމަށް ރޭވިފައިވާ ފިޔަވަޅެކެވެ.
ސައޫދީ ގެޒެޓުން ރިޕޯޓްކޮށްފައިވާގޮތުގައި މި އުސޫލުގެ ދަށުން ސިނގިރޭޓު އިސްތިހާރުކުރުން ފުރިހަމައަށް މަނާކޮށްފައިވާއިރު، 18 އަހަރުން ދަށުގެ ފަރާތްތަކަށް ވިއްކުން ވެސް މަނާވާނެއެވެ. އަމިއްލައަށް އުފައްދާފައިވާ ސިނގިރޭޓު ވިއްކުން ހުއްޓުވުމާއެކު، ވަކިން ވަކިން ސިނގިރޭޓު ވިއްކުން ވެސް މަނާކޮށްފައިވެއެވެ. އިތުރަށް ވިޔަފާރިތަކުން ސިނގިރޭޓު ވިއްކާނީ ޞައްޙަ ލިޔެކިޔުންތަކާއި މެދު ކަމުގައި ވިޔަފާރިވެރިންނަށް އަންގައިފައިވެއެވެ.
އިއްޔެއިން ފެށިގެން މި ޤާނޫނަށް ޢަމަލުކުރަން ފަށާފައިވާއިރު، މިނިސްޓްރީގެ މުވައްޒަފުން ސަރަހައްދުތަކުގައި ޚާއްޞަ އިންސްޕެކްޝަންތައް ކުރިއަށްގެންދާނެކަމަށާއި، މި އުސޫލަށް ތާކުންކުރާ ވިޔަފާރިތަކާއިމެދު ހަރުކަށި ފިޔަވަޅުތައް އަޅާނެކަމުގައި އިއުލާންކޮށްފައިވެއެވެ.