ޤައުމީ ދުވަހުގެ ޝަރަފުގެ ހިނގާލުން މާދަމާ ހަވީރު މާލޭގައި ބޭއްވުމަށް ތައްޔާރުވެއްޖެއެވެ.
އެމްއެންޑީއެފުން ހާމަކުރާ ގޮތުގައި ޤައުމީ ދުވަހުގެ ހިނގާލަން ފެށުމަށް ހަމަޖެހިފައިވަނީ މާދަމާ ހަވީރު 4:30 ގައި ޖުމްހޫރީ މައިދާނުންނެވެ.
އެމްއެންޑީއެފްގެ ޝަރަފުގެ ހިނގާލުން ހަތަރު ސަރަހައްދަކަށް ހުއްޓާނެއެވެ. އެއީ ސޯސަންމަގު ދިވެހިބަހުގެ އެކެޑަމީ ކުރިމައްޗަށާއި، މަޖީދީމަގު/ޗާންދަނީމަގު ހަތަރު އަނގޮޅި އާއި މަޖީދީމަގު މިލިއަން ބުކްޝޮޕް ކުރިމަތި އަދި ބޮޑުތަކުރުފާނުމަގު ކަޅުތުއްކަލާ ކޮށި ހުޅަނގު އުތުރު ކަންމައްޗަށެވެ.
މި ހިނގާލުން ނިންމާލާނީ ކަޅުތުއްކަލާ ކޮށްޓަށެވެ.