އުމްރާވެރިން އުފުލުމަށް ޚާއްސަކޮށްފައި އޮތް، ގައުމީ އެއާލައިން މޯލްޑިވިއަންގެ މަތިންދާބޯޓަށް ދިމާވި މައްސަލަ ހައްލުކޮށް، ސައޫދީ އަރަބިއްޔާގެ ޖިއްދާ އެއާޕޯޓުން ރާއްޖެ އައުމަށް ފުރައިފިއެވެ.
މައުލޫމާތު ލިބިފައިވާ ގޮތުގައި މައްސަލަ ޖެހި މަޑުކުރަން ޖެހުނީ މޯލްޑިވިއަންގެ ފްލައިޓް ކިއު2-6360 އަށެވެ. ފްލައިޓަށް ދިމާވި މައްސަލަ ހައްލުކޮށް މިހާރު ވަނީ ދަތުރު ފަށައިފައެވެ.
މޯލްޑިވިއަންއިން އެކްސްގައި ކުރިޕޯސްޓެއްގައި ބުނެފައިވަނީ މަތިންދާ ބޯޓަށް ދިމާވި ޓެކްނިކަލް މައްސަލައެއް ހައްލު ކޮށް، 2 ގަޑިއިރުގެ ޑިލޭއަކަށްފަހު ހުރިހާ ސަލާމަތީ ފިޔަވަޅުތައް ފުރިހަމަކޮށް ޖިއްދާއިން މަތިންދާ ބޯޓު ފުރާފައިވާކަމަށެވެ. އަދި މި ޑިލޭއާއި ގުޅިގެން ފަސިންޖަރުންނަށް ދިމާވި ދަތިތަކަށް މަޢާފަށް އެދޭކަމަށާއި އަދި ދެއްވި އެއްބާރުލުމަށް ޝުކުރު އަދާކުރާކަމަށްވެސް އެކުންފުނީގެ ޕޯސްޓްގައި ވެއެވެ.