ހއ. އުތީމުގައި އުމުރުން ނުވަ ދުވަސްވީ ތުއްތު ކުއްޖަކު މަރުވި މައްސަލައެއް ފުލުހުން ތަހުގީގުކުރަން ފަށައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ، އެ ތުއްތު ކުއްޖާ އުތީމު ސިއްހީ މަރުކަޒަށް ގެންދިޔައިރުވެސް މަރުވެފައިވާ މައްސަލަ ފުލުހުންނަށް ހުށަހެޅީ މިއަދު ހެނދުނު 10:07 އެހާކަންހާއިރު ސިއްހީ މަރުކަޒުން ކަމަށެވެ.
“ފުލުހުން އަންނަނީ އެ މައްސަލަ ތަހުގީގު ކުރަމުން،” އޮފިޝަލް ވިދާޅުވިއެވެ.
ސީޓީ ސްކޭނެއް ހެދުމަށް އެ ކުއްޖާގެ ހަށިގަނޑު ކުޅުދުއްފުއްޓަށް ގެންދިޔުމަށްފަހު އަނބުރާ ވަނީ އުތީމަށް ގެންގޮސްފައެވެ. އެ ކުއްޖާ މިހާރު ވަނީ ވަޅުލާފައެވެ.