މަސްތުވާތަކެތީގެ މައްސަލައެއްގައި ތައިލެންޑުގެ ޖަލެއްގައި ބަންދުކޮށްފައި ހުރި ދިވެހި ޒުވާނަކު ނިޔާވެފައިވާ ކަމުގެ މަޢުލޫމާތު ލިބިފައިވާ ކަމަށް ދިވެހި ފުލުހުންގެ ޚިދުމަތުން ހާމަކޮށްފިއެވެ.
މި ހާދިސާގައި ނިޔާވެފައިވަނީ ތ. ގުރައިދޫ، ފަނާރު، އިބްރާހީމް ނަބީހު ނަސީމް (22އ) އެވެ.
ފުލުހުން ބުނި ގޮތުގައި، ތައިލެންޑުގެ ޖަލެއްގައި ބަންދުކޮށްފައި ހުއްޓާ ނަބީހު ނިޔާވިކަމުގެ މަޢުލޫމާތު އެ އިދާރާއަށް ވަނީ ލިބިފައެވެ.
އިބްރާހީމް ނަބީހު ނަސީމް ތައިލެންޑުން ހައްޔަރުކޮށްފައިވަނީ 22 ފެބުރުވަރީ 2024 ގައެވެ. އޭނާ ހައްޔަރުކުރީ ތައިލެންޑުގެ ޑޮން މުއެންގް އިންޓަރނޭޝަނަލް އެއާޕޯޓުން މަސްތުވާތަކެއްޗާއެކުގައެވެ.
ފުލުހުން އިތުރަށް ހާމަކޮށްފައިވާ ގޮތުގައި، މި ހާދިސާއާ ގުޅިގެން ބަލަންޖެހޭ ކަންކަން ބެލުމުގެ މަސައްކަތް ކަމާގުޅުންހުރި އިދާރާތަކާ ގުޅިގެން މިހާރު ދަނީ ކުރަމުންނެވެ.