އިޒްރޭލާއި އެމެރިކާ ގުޅިގެން އިރާނަށް ދިން ހަމަލާއާ ގުޅިގެން ފެށުނު ހަނގުރާމައިގެ ސަބަބުން ތެލުގެ އަގު މައްޗަށް ދިއުމާއެކު، އެސްޓީއޯގެ ފިއުލް ސަޕްލައި މޯލްޑިވްސް (އެފްއެސްއެމް)ގެ ޝެޑްތަކުން ވިއްކާ ތެލުގެ އަގަށް ވެސް އެ ބަދަލުތައް ގެނެސްފިއެވެ.
އެސްޓީއޯ އިން މީގެ ކުރިން ޕެޓްރޯލް ލީޓަރެއް ވިއްކަމުންދިޔައީ 13.50 ރުފިޔާއަށެވެ. އަދި ޑީސަލް ލީޓަރެއް ވިއްކަމުންދިޔައީ 13.92 ރުފިޔާއަށެވެ.
އެސްޓީއޯ އިން ރޭ ބުނެފައިވާ ގޮތުގައި މާދަމާއިން ފެށިގެން ޕެޓްރޯލު ލީޓަރެއް ލިބޭނީ 16.01 ރުފިޔާއަށެވެ. އެއީ 2.51 ރުފިޔާގެ ބޮޑުވުމެކެވެ.
އޭގެ އިތުރުން މިއަދުން ފެށިގެން އެސްޓީއޯ އިން ޑީސަލް ލީޓަރެއް ވިއްކުމަށް ހަމަޖެހިފައިވަނީ 17.54 ރުފިޔާއަށެވެ. އެއީ 3.62 ރުފިޔާގެ ބޮޑުވުމެކެވެ.
ރާއްޖެއަށް އާންމުކޮށް ތެޔޮ ގެންނަ ގައުމުތަކަށް ވަނީ ހަނގުރާމައިގެ އަސަރުކޮށްފައެވެ.