ރިޔާސީ އިންތިހާބާއި މަޖިލިސް އިންތިހާބު އެކުގައި ބާއްވާ ގޮތަށް ގާނޫނުއަސާސާސީ އިސްލާހު ކުރުމަށް ސަރުކާރުގެ ފަރާތުން ހުށަހެޅި ބިލު، ރައްޔިތުންގެ މަޖިލީހުގެ ތަޅުމުން ފާސްކޮށްފިއެވެ.
ކޮމިޓީ ރިޕޯޓަށް ވޯޓަށް އެހުމުން ބިލު ފާސްވީ 72 މެންބަރުންގެ ވޯޓާ އެކު އެވެ. ދެކޮޅަށް ވޯޓު ދެއްވި ހަމައެކަނި މެންބަރަކީ، އައްޑޫ މީދޫ ދާއިރާގެ އަމިއްލަ މެންބަރު އަބްދުއްރަހްމާންއެވެ.
އެމްޑީޕީ ފަސް މެންބަރުންގެ ނަން އިއްވައި މި ޖަލްސާގައި ވަނީ ބޭރުކޮށްފައެވެ. އަދި ބާކީ ތިބި އެމްޑީޕީ މެންބަރުން މި ވޯޓުގައި ބައިވެރިވެފައެއް ނުވެއެވެ.